Mana shaicushpami canta sirvisha
1. Yaya Dioslla millaicunaca
canta cazujpimi llaquichincuna.
Cambaj Churi llaquita apashca shinami
ñucapish tucuita ahuantashalla.
Na shaicushpa canta sirvingapaj
espíritu santohuan ayudahuai.
Sinchi llaquicuna japijpipish
tucui shunguhuanmi canta cazusha.
Manchachijpipish burlarijpipish
canmanta mana caruyashachu.
Cambaj shutimanta llaquicunata
apana cashpapish cushicunimi.
(CORO)
Llaquitapish carceltapish
huañuitapish mana manchashachu.
Canta alli sirvinata
mana nunca saquishachu
Jehová Dioslla.
2. Canca siempremi cuidahuashcangui.
Canllapimi shunguta churani.
Huiñai causaita ñuca chasquichunca
ni pi manataj jarcai tucungachu.
(CORO)
Llaquitapish carceltapish
huañuitapish mana manchashachu.
Canta alli sirvinata
mana nunca saquishachu.
Llaquitapish carceltapish
huañuitapish mana manchashachu.
Canta alli sirvinata
mana nunca saquishachu
Jehová Dioslla.
