Paraisopi yuyashpami cushicunchij
1. Sumaj paraíso Allpapi
cushilla causanatami shuyanchij.
Chaipica llaquichij
millaicunaca mana tiyangachu.
Huahuacunaca cushillami
sacha animalcunahuan pugllanga.
Tucuicunami Jehová Diosta
alli cazushpa tandalla causashun.
Yayitu Diosca
paipaj Churitamari
mandachun agllashca.
(CORO)
Dios cusha nishcacunapi
yuyanaca alajami can.
Chaica achijyachij inti shinami
ñucanchij shunguta
yallitaj cushichin.
2. Tucui Allpapimi limpio yacu,
verdijlla plantacunapish tiyanga.
Cˈuyashca familiahuan
tandanacushpami alli cainashun.
Causarishcacunapish
cutinmi ñucanchijhuan canga.
Paicunata ricushpaca
dimastij cushicushpami huacashun.
Cˈuyashcamantami
Diosca huañuita
ñalla tucuchinga.
(CORO)
Dios cusha nishcacunapi
yuyanaca alajami can.
Chaica achijyachij inti shinami
ñucanchij shunguta
yallitaj cushichin.
(SHUJTAJ TONO)
Diosca pai nishcata
tucuitami pajtachinga.
Huiñai huiñaicamami
achcata bendiciashpa catinga.
(CORO)
Dios cusha nishcacunapi
yuyanaca alajami can.
Chaica achijyachij inti shinami
ñucanchij shunguta
yallitaj cushichin.
Ñallami sumaj
paraisopi
cushilla causashun.
