Pruebacunataca mishashami
1. Cada punlla chꞌican chꞌican
tentacioncunatami chꞌimbapurani.
Shinapish ñamari alli
prepararishca cani. Mana manchashachu.
Tentacioncuna ricurijpi
imata ruranatapish
imata ninatapish
yuyaipimi charini.
Jehovami fuerzata cunga.
Paimi ñucata ayudanga.
(CORO)
Ama manchangapaj
Jehovatami mañani.
Ima pruebatapish
mishai tucushallami.
2. Ñuca compañerocuna
mana allita nishpa burlarijpipish
paicuna munashcataca
manataj rurashachu. Diosllatami cazusha.
Testigo de Jehová canaca
sumaj privilegiomi can.
Sinchi ricurijpipish
paitami jatunyachisha.
Jehová Diostami tucuipi
cushichinata munani.
(CORO)
Diosta mañashpami
manchaita saquircani.
Pruebacunataca
ñami misharcani.
