HUILLAJ Núm. 2, 2021 | Ñallami sumaj Allpapi causashun
¿Cunan punllacunapi tiyashca llaquicunaca cai mundo ñalla tucurigrishcatachu ricuchin? ¿Shina cajpica causashpa catingapajca imatataj rurai tucunchij? Cai revistami Biblia imata yachachishcata ricuchishpa ñucanchijta animanga.
Sumaj causai tiyachunmi minishtinchij
Cai Allpapi tucui laya llaquicuna tiyajta ricushpami sumaj causai tiyachun minishtishcata intindinchij.
¿Cai mundoca tucuringachu?
Bibliaca cai pacha ñalla tucurinatami huillan. Pero gentecuna cai Allpapi para siempre causana cashcatapishmi yachachin.
¿Cai pacha ima hora tucurinatataj Jesusca nirca?
¿Jesús imalla huillashcacuna pajtaricushcatachu ricushcangui?
¿Mushuj pachapi causangapajca imatataj rurana canchij?
Quishpirisha nishpaca ¿imamantataj Dioshuan alli apanacuna canchij?
Ñallami mushuj pachapi causashun
Yaya Dios pai cusha nishcacunata pajtachijpica ¿causaica ima shinashi cai Allpapi canga?
¿Ñallachu cai pachaca tucurigrin?
Biblia imata yachachishcata ricushpami aliviado sintiringui.
