¿Diospaj gobiernoca imataj can?
Jesusca paita catijcunataca: “Jahua pachapi caj ñucanchij Yaya, cambaj jucha illaj shutitaca, alli nishca cachun. Can mandana punlla ña chayamuchun. Ima shinami jahua pachapi can munashcata ruracun, shinallataj cai pachapipish can munashcata rurachun” nishpa mañanguichij nircami (Mateo 6:9, 10). ¿Diospaj mandana o Diospaj gobiernoca imataj can? ¿Chai gobiernoca ñucanchijmanta imatataj ruracun? ¿Imamantataj Diospaj gobierno chayamuchun mañana canchij?
Diospaj gobiernopica Jesusmi rey can
Lucas 1:31-33-pica: “Chai huahuataca, Jesús shutita shutichingui. Paica jatun nishcami canga. Jahua pachapi caj Jatun Diospaj Churi nishcami canga. Mandaj Diosca, Davidpaj jatun tiyarinatami paimanca cunga. Paica Jacobpaj huahua huahuacunatami huiñaita mandanga. Paipaj mandanaca, manataj tucuringachu” ninmi.
Jesusca Diospaj gobiernomantami yachachirca
Mateo 9:35-pica: “Jesusca tucui pueblocunata llajtacunata purishpami, Taita Dios mandana alli huillaita paicunapaj sinagogacunapi yachachishpa tucui laya ungüihuan cajcunata, nanaihuan cajcunata tucuicunata alliyachirca” ninmi.
Jesusca pai ñalla mandagrijpi ima tucuna cashcatami huillarca
Mateo 24:7-pica: ‘Mama llajtaca caishuj mama llajtahuan macanacungacunami, shinallataj jatun mandajcunapurapish macanacungacunami. Yaricaicuna, chꞌican chꞌican llajtacunapi pamba chujchuicunapishmi tiyanga’ ninmi.
Jesusta catijcunaca tucui ladocunapimi Diospaj gobiernomanta huillacun
Mateo 24:14-pica: “Dios mandacun alli huillaitaca, tucui cai pachapi causajcunamanmi huillashpa yachaj chayachishca canga. Chai qꞌuipami cai shina causaica tucuringa” ninmi.
Caitapish yachai
BIBLIAMANTA TAPUICUNA
Diospaj gobiernoca ¿imataj can?
Diospaj gobiernoca ¿imamantataj shujtaj gobiernocunata yalli jatun can?
BIBLIAMANTA IMPORTANTE YACHAICUNA
¿Diospaj Mandanaca imataj can?
Jesús cai allpapi cashpaca, Diospaj Mandanamantami cutin cutin yachachirca. Jesusta catijcunaca cai Mandana shamuchunmi mañashcacuna.
