Pamelaca: “Cáncer ungüita jambiringapaj tratamientocunata caticushpaca achca cutinmi dimastij manchaihuan carcani. Pero Jehová Diosta mañashpami tranquila sintirircani, imatapish alli yuyashpami rurai tucurcani. Cunancamami achca nanaicunahuan cani. Pero Jehová Diosta mañashpami ña mana llaquilla sintirini. Gentecunaca ¿imanacunguitaj? nishpami tapuncuna. Chaipica, ungushcami cani, pero cushillami sintirini nishpami huillani” ninmi.

Pero, Diostaca mana ima jatun llaquicunapi cashpallachu mañana canchij. Tucuicunami chꞌican chꞌican problemacunata charinchij. Chaimantami ñaupajman catingapajca ayudata minishtinchij. ¿Diosta mañanaca ñucanchijta ayudanchu?

Bibliapica: “Cambaj llaquitaca, Mandaj Diosman apachi. Paica canta charirangami. Cashcata rurajtaca, llaquita apacuchunllaca mana saquingachu” ninmi (Salmo 55:22). Cai shimicunaca achcatami animachin. Pero ¿Diosta mañanaca ima shinataj ayudan? Diosta pai munashca shina mañajpica paica llaquicunata chꞌimbapurachun imalla minishtishcata cushpami ayudanga (“ ¿Diosta mañashpaca ima shinataj beneficiarinchij?” nishca parteta ricui).