Bibliata liyicushpaca valishca yuyaicunata taringapajca investiganami canchij. Pero ¿investigashca yuyaicuna ñucanchijta ayudachunca imatataj rurana canchij?

Imata liyishcata alli intindishunchij. Por ejemplo: “¿Cai versotaca pitaj quillcarca? ¿Ima horataj quillcarca? ¿Picunamantaj quillcarca? ¿Chai versota quillcacujpica imataj tucucurca? ¿Chai qꞌuipaca imataj tucurca?” nishpa tapurishunchij.

Chai versopi imata yachashcata yuyashunchij. Chaipajca: “¿Cai versopi parlajcunaca ima shinataj sintirircacuna? ¿Paicunaca ima cualidadcunatataj charircacuna?¿Imamantataj paicunapaj ejemplota catina cani? ¿Paicunaca imapitaj pandarircacuna? ¿Paicunapaj pandarishcacunamantaca imatataj yachai tucuni?” nishpa tapurishunchij.

Imata yachashcata pajtachingapaj esforzarishunchij. Chaitaca predicacionman llujshishpa, gentecunahuan parlashpami rurana canchij. Chashnami Salmo 107:​43-pi nishcacunata pajtachishun. Chaipica: ‘Yachaisapa cajcunaca caicunatami huaquichinga’ ninmi.

• Caita rurai: “Bibliapi tiyaj valishca yuyaicuna” nishca partepica Bibliapi nishcacunata ima shina pajtachina cashcatami yachachin. Canpish Bibliata estudiacushpaca chaita rurangapaj esforzari. Shinallataj chai partepica cada semanami alaja yuyaicunahuan, tapuicunahuan, dibujocunahuan yachachin. Chaicunata estudiangapaj, ricungapajpish tiempota llujchi.