¿Imara Biblia riman mana casarasha pariju causanamanda?
Biblia cutipashca
Biblia yachachin Yaya Dios mana munan ñucanchi tacarina uchai urmangaj (1 Tesalonicenses 4:3). Biblia yachachin tacarina ucha an: ‘shujhua tacarina’, caripura, huarmipura, mana casarashcapura tacarinas.
¿Imarasha cari huarmi casaranuchu Yaya Dios mandan?
Yaya Dios casaranara callarichicami. Punda cari huarmira casarachica (Génesis 2:22-24). Pai munaca cari huarmi casarashcai rimashca shimira pactachisha pariju causanuchu.
Dios yachan ñucanchij ima ali ashcara. Dios casaranara rurarca shu cari huarmihua huiñaigama causanuchu. Pai munaca cai casarashca intiru aillura yanapachu, cuirachu. Caita iyari, shu aparato partiunara ali churangaj, aparatora ruraj cushca manual yachachishcara catingaj ministinchi. Shinallara shu cushi aillura charingaj munasha Yaya Dios yachachishcara casuna ministinchi. Tucui huras paita casusha ali causashun (Isaías 48:17, 18).
Shu aparato partiunara ali churangaj, aparatora ruraj cushca manual yachachishcara catingaj ministinchi. Shinallara shu cushi aillura charingaj munasha Yaya Dios yachachishcara casuna ministinchi.
Manara casarashcallaira pariju puñunamanda atun llaquiunara charina ushanchi. Maicanguna mana munasha icsayuj tucunun, tacarinamanda ungüigunara apinun shinallara yapa llaqui sintirinun.
Yaya Dios runaunara cai cuyanara cuca: cari huarmihua puñusha huahuaunara charinuchu. Cai shu valishca cuyanami an. Iyarishun, Yaya Dios ñaupai causai yapa valishca an. Chiraigu pai munan cai cuyanara respetuhua ricunuchu, casarashca cari huarmillahua pariju puñusha. Shina rurasha casaranara valichinchi (Hebreos 13:4).
¿Alichu anga manara casarashcallaira pariju causana camangaj nisha?
Maicanguna quirinun shu cushi casaranara charingaj shu timpumandalla pariju causana ali an ña mana cushi sintirisha ichusha ringahua. Shinajpi cushi casaranara charingaj parijumanda sirtu ursarisha tarbana anun casaranai ricurij llaquiunara vinsingaj. a Casarashalla chita rurana ushanun (Mateo 19:6).
¿Imasnara cushi casaranara charina ushanchi?
Shu ucha illaj casarana mana tianzhu. Shinajpi Biblia mandashcaunara casusha shu cushi casaranara charina ushanchi. Maican Biblia mandashcaunara ricushun:
Shujcuna ministishcaunara ñaupa punda churai cambaj randimanda (1 Corintios 7:3-5; Filipenses 2:3, 4).
Caran punzha mas llaquinungaj, respetanungaj ursarichi (Efesios 5:25, 33).
Chara mana rimashcallaira iyaringaj ursarichi (Proverbios 12:18).
Chapaisiqui aichi, ujtalla perdonanuichi (Colosenses 3:13, 14).
a “Casarashcauna paiguna rimashca shimira pactachina” temara ricui.
Cai temagunaras leana munanguichari
ÑUCANCHIMANDA
Bibliamanda yachanara mañai
Pasiachu mañai Jehovahuaj testigogunahua Bibliamanda shu temara yachangaj shinallara Bibliamanda gratis yachangaj mañana ushangui jw.org paginai tiaj formulariora quillcasha.