¿Bibliamanda profeciaguna Jesús Mesías ashcara ricuchinzhu?
Biblia cutipashca
Ari. Jesús cai Allpai ashcai, ashca Mesiasmanda profeciaguna pactachica, “cai pachara Quishpichij” tucuna aca (Daniel 9:25; 1 Juan 4:14). Shinallara huañushca huasha, mas profeciaguna Mesiasmanda pactachisha catica (Salmo 110:1; Hechos 2:34-36).
¿Imara nisha nin Mesías shimi?
Maschíaj (Mesías) hebreo shimii quillcashca an, Kjristós (Cristo) griego shimii quillcashca an, cai ishqui shimiuna nisha nin “Ajllashca”. Chiraigu, Jesucristo shimi nisha nin “Jesús Ajllashca” an.
Biblia quillcashca timpui shu runara apu tucuchu ajllashcai, paihua umai aceitira talina anuca (Levítico 8:12; 1 Samuel 16:13). Yaya Dios Jesusta ajllaca Mesías tucungaj, shina rajpi Jesús mandana ushaira apica (Hechos 2:36). Shinajpi, Yaya Dios Jesusta ajllashcai umai aceitira talina randimanda espíritu santora cuca (Mateo 3:16).
¿Mesiasmanda profeciaguna huaquin runaunai pactarina usharingachu?
Mana. Bibliai ña rimashca tiaca shujlla Mesías o Cristo shamuna ashcara, imasna rirui tiaj huella ricuchin pihuaj ashcara, shinallara Bibliamanda profeciaguna shu ajllashca runallai pactarina aca. Shinajpi, Biblia nin: “Llulla Cristouna, llullasha rimajcunas atarinaungami. Atun ricurinaunara, munanaita ranaunaras ranaungami. Ajllashcaunaras shinallara umachi tucunaungami usharijpi” (Mateo 24:24).
¿Cutillara Mesías shamuj punzhaunai shamungachu?
Mana. Bibliai ña quillcashca tiaca Mesías, Israel llacta rey Davidmanda mirai anara (Salmo 89:3, 4). Shinajpi, rey David miraigunamanda quillcashca shutiuna chingarinuca. Chi quillcashcauna tucuchishca anushcangachari 70 huatai romanosguna Jerusalenda vinsishcai. a Chi timpumanda mana pis ricuchina ushashca David aillumanda mirai ashcara. Shinajpi, Jesús punzhaunai chi quillcashcauna tianucami, chiraigu paita chijnijcuna mana ricuchina ushanuca Jesús Davidmanda mirai mana ashcara (Mateo 22:41-46).
¿Masna profeciaguna Mesiasmanda Bibliai tian?
Mana pasajta rimana usharin masna profeciaguna Mesiasmanda tian. Huaquin textogunai Mesiasmanda pitijta rimashas cai profeciaguna yupana tunura turcarina ushan. Por ejemplo, Isaías 53:2-7 ricuchin huaquin rurashcauna Mesiaspi pactarina ashcara. Huaquin runauna quirinun cai textoguna shujlla profecía ashcara, randi shujcuna quirinun caran parti shu profecía ashcara.
Mesiasmanda profeciaguna Jesuspi pactarinucami
Ima tucuna ashcara |
Profecía |
Pactarishca |
|---|---|---|
Abrahanmanda mirai |
||
Abrahán churi Isaacmanda mirai |
||
Israel llacta Judá aillumanda pagarina |
||
Rey David ailluunamanda mirai |
||
Shu huanra huarmimanda pagarina aca |
||
Belén llactai pagarica |
||
Emmanuel b nisha shutichishca anga |
||
Ministishcallahua pagarica |
||
Pai pagarishca huasha huahuaunara huañuchinuca |
||
Egiptomanda cayashca aca |
||
Nazareno c cuinta ricsishca aca |
||
Paimanda ñaupalla shu rimaj tiaca |
||
29 huatai d Mesías cuinta ajllashca aca |
||
Yaya Dios paihua Churi ashcara rimaca |
||
Diospa huasira llaquishcara ricuchica |
||
Ali gustu cuintashcauna yachachica |
||
Galilea llactai pai yachachina shu atun luz cuinta punzhayachica |
||
Moisés cuinta milagrogunara rurarca |
||
Moisés cuinta Yaya Dios partimanda rimaca |
||
Ashca ungushcaunara alichica |
||
Paillara ahuayaringaj mana rurarcachu |
||
Turmindarijcunara ali shungura ricuchica |
||
Diosmanda ali dirichura yachachica |
||
Sumajlla camachij |
||
Jehová shutira ricsichica |
||
Ejemplogunahua yachachica |
||
Pushaj |
||
Ashcauna paita mana quirinuca |
||
Nijtana rumi |
||
Paita mana chasquinuca |
||
Yangamanda paita chijninuca |
||
Jerusalenma shu burui icushcai paita alabanuca |
||
Huahuauna paita alabanuca |
||
Jehovahuaj shutii shamuca |
||
Shu amigomanda intrigashca aca |
||
30 cullquimanda intrigashca aca e |
||
Paihua amigoguna paita saquinuca |
||
Llullasha rimajcuna paita caudsayachinuca |
||
Paita caudsayachijcunara mana imas rimacachu |
||
Paita tiucanuca |
||
Umai huactanuca |
||
Paita azutinuca |
||
Paita macashcai mana difindicachu |
||
Apuuna paihua cuntra risha huañuchina munanuca |
||
Chaquira maquiras shu caspii clavanuca |
||
Paihua churanara lichangaj apinuca |
||
Uchayuj runa cuinta paita ricunuca |
||
Camishca, chijnishca aca |
||
Uchayujcunamanda turmindarina munaca |
||
Dios paita sapalla saquishca cuinta ricurica |
||
Ayaj vinora shu ayajhua masashcara upichina munanuca |
||
Manara huañushcallaira yacura upina munaca |
||
Paihua espiritura Diosma intrigaca |
||
Paihua causaira cuca |
||
Ñucanchi uchaunamanda paihua causaira cuca |
||
Paimanda ima tulluras mana paquinucachu |
||
Paita lanzahua tucsinuca |
||
Chariyuj cuinta pambashca aca |
||
Causarishca |
||
Paita intrigaj randimanda shuj apóstol tiaca |
||
Diospa ali maqui partii tiarina aca |
a La Encyclopedia McClintock y Strong nin: “Judío ailluunamanda quillcashca shutiuna tucuchishca anuca, Jerusalén llacta tucuchishcai, mana ñaupalla”.
b Emmanuel shuti nisha nin “Dios ñucanchihuami”, chi shimiuna ricuchinun Jesús Mesías cuinta charishca tarbanara. Pai shamuna, pai cai Allpai rurashcaunas ricuchinuca Dios paita adurajcunahua tiashcara (Lucas 2:27-32; 7:12-16).
c Nazareno hebreo shimii nétser nishcamanda shamungachari, nisha nin “llullu”.
d 29 huatai Mesías ricurina ashcara Biblia ricuchishca cuinta yachana munasha “70 semanagunamanda profecía” nishca partii ricui.
e Cai profecía Zacarías libroi tian, shinajpi Mateo nin “Diosmanda rimaj Jeremías rimashca shimi” ashcara (Mateo 27:9). Huaquin huras Bibliai Jeremías libro ‘Diosmanda rimajcuna’ nishca partii pundai churaj anuca (Lucas 24:44). Chimanda Mateo “Jeremías” shutira utilizashcangachari tucui chi Biblia parti quillcashcamanda rimangaj munasha.
Cai temagunaras leana munanguichari
¡DESPERTAD!
Shu judía huarmi riman imarasha paihua quirinara turcachica
¿Imara sirtu pacha quirichica Racquel Hall nishca huarmira Jesús Mesías ashcara?
BIBLIAMANDA YACHACHISHCAUNA
Shu yachachijhua Bibliamanda yachana
Shu yachachijhua gratis Bibliamanda yachai.