Puchucai Pascua ista Jesuspaj ashca valishca angarauca. Imasna ñalla huañungarauca chi Pascua istara rurana munaca apostolgunandi chi hurasmanda ña paiguna rurana anuca Señorba Cenara. Chiraigu mañaca Pedrora, Juanda shu cuartora puruntungaj (Lu 22:​7-13; callari fotora ricui). Cai ricuchin ministishcara puruntungaj cai Jesús huañushcara iyarinai rurangaj 27 de marzo punzhai. Congregacionguna ña ajllanushca anga maican rimashcara cujta, maican tandara vinora apajta. Shinajpi caran shuj ¿imara rurana anchi puruntushca angaj chi punzhai?

Ñucanchi shungura puruntushun. Iyarishunchi Bibliara leanai Jesús huañushcara iyarinai. Tupashunmi shu programara Examinemos las Escrituras todos los días nishca folletoi. Tianmi shu intiru programa apéndice B12 A, B de La Biblia. Traducción del Nuevo Mundo, Tandarinai tarbana quillca abril de 2020. Ailluhua estudiana munasha Jesús quishpichinamanda ashca valij an nisha, tupanguimi mas yachanara Índice de las publicaciones Watch Tower, Guía de estudio para los testigos de Jehová nishcai.

Cumbirashun shujcunara. Ursarishunchi ushashca tupura cumbirana campaña Jesús huañushcara iyarinai. ¿Pigunara mas cumbirana ushanchi? Ñucanchi cuti pasiangaj ajcunara, ñaupa Bibliamanda yachaujcunara, ailluunaras, ricsishcaunaras. Tandarijcunara Cuirajcuna, caruyashca huauqui paniunara cumbirana anun. Iyarishunchi can causashca partii shu runa mana causajpi tupana ushanchi shu horario, shu lugar mas mayanlla achu Jesús huañushcara iyaringaj jw.org nishcai. Botonda niti ÑUCANCHIMANDA, huasha niti “Jesús huañushcara iyaringaj”.

¿Imara mas rurana ushangui puruntushca angaj?