Bibliamanda yachachingaj tandarinauna, congregaciombi shu tandarinauna cuinta anun, Jehovamanda cuyashcami an mas llaquinusha alira rausha yanaparingaj (Heb 10:​24, 25). Intiru tandarina, 5-7 minutuguna unayana an, chi timpui caran shuj pihua llucshina, maibi yachachina, oracionda rurana anun. Congregación tandarina tucurishca huashalla, yachachingaj llucshina ansalla unayana an. Chi punzha llucshijcunahua tandarinara pushaj huauqui ali iyaiguna yachachina ushan Bibliamanda yachachingaj. Sábado punzhallai llucshijcunara imasna yachachingaj ricuchina ushan. ¿Ima mas rimana ushan chi tandarinai?

• Cuintangaj iyaiguna Jesús cuinta yachachisha causasha catishunchi tandarinai tarbana quillcamanda.

• Imasna utilizana anchi cunalla pasashca noticiaguna cuintasha callaringahua.

• Comunidadpi imasna shu arcai shimira vinsina.

• Imasna cutipana ushanchi Diosta mana quirij, evoluciombi quirij, shuj shimira rimaj, mana ricsishca religionda catijcunara.

• Imasna utilizana ushanchi jw.org paginai, JW Library^® aplicación shinallara Bibliara.

• Imasna utilizana ushanchi yachachingaj yanapaigunara.

• Rimai maican iyaigunamanda, imasna Bibliamanda yachachina telefonohua, cartagunahua, pajllai, cuti pasiasha, Bibliamanda curso cunas.

• Maican iyaiguna imasna quiquinllara cuirarina, runa munashca temamanda rimana, alira rimana, cushihua rimana.

• Sumaj leashun yachachishun folletoi shu puntumanda, shu videomanda.

• Bibliamanda yachachinai ñucanchi cumpañajta imasna animana, yanapana ushanchi.

• Animachingaj shu textora leana, animachij cuintashcaras rimana.