Punda cari, punda huarmi Adán, Eva Diosta mana casunuca. Chiraigu uchara ruranchi, turmindarinchi, huañunchi. a Shinajpis mana tucui chingarishcachu. Jehová uchamanda huañuimanda quishpichingahua paihua Churi Jesucristora cachamuca. Biblia yachachinmi Jesús huañushcamanda ñucanchira quishpichica. Uchamanda, huañuimandas ñucanchira quishpichingahuas Jesús paihua causaira cuca (leai Mateo 20:28). Jesús huiñai causaira allpai charina ushashcaras saquisha paihua causaira cuca runauna huiñaigama causana ushanuchu, caita rurasha Adán Eva tucui pirdishcara ñucanchi cuti chasquingahua. Shina Jesús ñucanchira llaquishcara ricuchica shinallara paihua Yaya Jehová. Cai lección canda yanapanga Jesús huañushcamanda mas pagarachungaj.

1. ¿Ima bendiciongunara charinchi Jesús huañushcamanda?

Uchayuj ashcamanda Jehová mana munashcara ashca manaliunara ruranchi. Jehovahua ali amigo tucuna ushanchi ñucanchi uchamanda aripintirisha Jesús huañushcamanda Jehová Diosta perdonahuai nisha. Shinallara chi uchaunai ama cuti urmangaj ursarisha (1 Juan 2:1). Biblia nin: ‘Cristo, shu cutilla turmindachishca aca uchamanda, alira raj manalira rajcunamanda, ñucanchira Diospajma pushangaj’ (1 Pedro 3:18).

2. ¿Ima bendiciongunara charishun Jesús huañushcamanda?

Jehová paihua Churi ucha illaj causaira cuca “maicans paihuajpi [Jesuspi] quirisha ama chingarichu, astaumbas huiñai causaira charichu” (Juan 3:16). Jesusraigumanda, Jehová ñalla uchara huañuiras tucuchingaraun chiraigu Jesús huañushcai quirina anchi allpai Paraíso tucushcai huiñaigama causangaj (Isaías 65:21-23).

 MAS YACHAI

3. Jesús huañushca ñucanchira uchamanda, huañunamandas quishpichinmi

1. Adán ucha illaj aca, Diosta pai mana casujpi ñucanchis uchayuj tucushcanchi, huañunchi.

2. Jesús ucha illaj aca, Diosta pai casushcamanda runauna ucha illaj tucuna ushanchi huiñai causairas charina ushanchi.

4. Jesús huañushcamanda bendiciongunara charinchi

 5. Jesús canmanda huañuchu Jehová partimanda cuyashcami

Jehovahua amigoguna Jesús quishpichishcara Yaya Dios partimanda paigunama shu cuyashca cuinta ricunun. Caita ricungahua leaichi Gálatas 2:20, TNM. Huasha catij tapuimanda rimaichi:

• ¿Ima rimashca shimi ricuchin apóstol Pablo Jesús huañushcamanda valichishcara?

Adán uchara rashcamanda pai paihua miraigunas huañuna ashcanchi. Shinajpis Jehová paihua Churira allpama cachamuca huañuchu, casna rurashcamanda can huiñai causaira charina ushangui.

Cai versiculogunara leashca huasha iyari imasna Jehová sintishcanga paihua Churi turmindarishcara ricusha. Leaichi Juan 19:1-7, 16-18, TNM. Huasha catij tapuimanda rimaichi:

• ¿Imasnara can sintingui Jehová, Jesús canmanda rurashcara ricusha?

 IMARA YACHASHCANGUI

Jesús huañushcaraigumanda, Jehová ñucanchi uchaunara perdonan shinallara huiñai causairas charina ushanchi.

Iyaringaj

• ¿Imarasha Jesús huañuca?

• Jesús Adán cuinta ucha illaj aca ¿imara Jesús rurarca ñucanchira ‘cuti randisha’ cacharichingaj?

• ¿Ima bendicionda charingui Jesús huañushcamanda?