LECCIÓN 09
Diosta mañana, paima mayanllayachin
¿Sintiringuichu camba causaibi maican yanapaira ministishcara? ¿Charinguichu valishca tapuiguna cutipashca angaj? ¿Ministinguichu maican cushiyachichu? ¿Munanguichu Jehovama mas mayanllayamungaj? Diosta mañana yanapanga cai ministishcaunara charingaj. Shinajpi ¿imasna mañana ushanchi? ¿Dios tucui mañashcaunara uyanzhu? Can ¿imasna mañana ushangui Dios camba mañashcaunara uyachu? Ricushun.
1. ¿Pita mañana anchi? ¿Imara Yaya Diosta mañana ushanchi?
Jesús yachachica ahua pachai tiaj Yayallara mañana ashcara. Chita Jesús rurarca, paillara Jehová Diosta mañaj aca. Maican huras nica: “Cangunaga casna mañaichi: ‘Ñucanchi ahua pachai tiaj Yaya’” (Mateo 6:9). Jehová Diosta mañaushcai, mas ali apanungaj pactanchi.
Ñucanchi mañashcaunai rimana ushanchi ima cosasgunamanda. Shinajpi Jehová Dios ñucanchira cutipachu, pai munashca cuinta mañana anchi. Biblia nin “ñucanchi imaras mañajpi pai munashcasna, pai ñucanchira uyan” (1 Juan 5:14). Jesús rimaca maican ejemploguna ima cosasgunamanda mañana ashcara (leai Mateo 6:9-13). Ñucanchi cosasgunamanda cuintasha, mana cungarina anchi Jehová Diosta pagarachushcara ñucanchira yanapashcamanda shinallara shuj runaunara yanapachu.
2. ¿Imasna Diosta mañana anchi?
Biblia ñucanchira riman: “Canguna shungüi sintishcara paihua ñaupai cuintaichi” (Salmo 62:8). Shinajpi shungumanda mañana anchi. Uyarijta rimana, shungu ucullais mañana ushanchi, cungurisha atarisha tiarishas mañana ushanchi, mas valishca an Jehová Diosta respetuhua mañangaj. Astaumbas ima huraspi, maibi ashas mañana ushanchi.
3. ¿Imasna Dios ñucanchi mañashcaunara cutipan?
Caran tunui cutipan. Paihua shimi Bibliahua caran cuti ñucanchi tapurishcaunara cutipan. Diospa Shimira leana “mana yachajta sabiru rurachin” (Salmo 19:7; leai Santiago 1:5). Shinallara llaquiuna charishcai Jehová ganaslla sintichin. Astaumbas paita catijcunara utilizaun ministishca huraspi ñucanchira yanapangaj.
MAS YACHAI
Ricushun imasna mañana ushanchi Jehová gustashca cuinta shinallara imasna mañashcauna ñucanchira yanapana ushan.
4. ¿Imara rurana anchi Diosta mañangahua?
¿Imara rurajpi Dios ñucanchi mañashcaunara uyanga? VIDEORA ricuichi.
Jehová munan paillara mañanuchu. Leaichi Salmo 65:2, huasha catij tapuimanda rimaichi:
-
¿Quiringuichu “mañashcara Uyaj” Dios, can paita mañachu munashcara? ¿Imarasha shina iyangui?
Yaya Dios ñucanchi mañashcaunara uyachu munashaga, ursarinami anchi pai munashcara pactachingaj. Leaichi Miqueas 3:4; 1 Pedro 3:12, huasha catij tapuimanda rimaichi:
-
¿Imara mana rurana anchi Yaya Dios ñucanchi mañashcaunara uyachu?
Huaquimbi ishqui muntun suldaruuna guerrara ganangaj Diosta mañanun. ¿Sirtu Yaya Dios cai mañashcaunara uyangachu?
5. Ñucanchi mañashcauna shungumanda llucshina anun
Ashca runauna Yaya Diosta mañasha chillarara mañanun. Shinajpi Yaya Dios ¿munanzhu shina mañanuchu? Leaichi Mateo 6:7, huasha catij tapuimanda rimaichi:
-
¿Imara rurana ushanchi mana “chillarara chillarara rimasha” Diosta mañangaj?
Caran punzha ima sumaj pasaushcara iyari, huasha chimanda Jehová Diosta mañangui pagarachusha. Caran punzha casna mañasha ña shu semanai canzhis shuj tunu cosasgunamanda mañangaraushcara mana chillarara rimasha.
Shu yaya munan paihua churi shungumanda cuintachu. Shinallara Jehová munan mañashcaunai shungumanda rimachu.
6. Diosta mañana pai cuyashcami an
¿Imasnara Diosta mañana yanapana ushan ñucanchi shinzhi turmindusgunara pasaushcai? VIDEORA ricuichi.
Biblia riman Diosta mañana ganaslla sintichingaj yanapan. Leaichi Filipenses 4:6, 7, huasha catij tapuigunamanda rimaichi:
-
Diosta mañana tucui ñucanchi turmindusgunara mana alichishaga ¿imasnara yanapan?
-
¿Ima cosasgunamanda can mañana munangui?
¿Yachanguichu?
Cai shimi amén nishca “shina achu” an shinallara “sirtu pacha” intindichin. Ñaupa timpumanda “shina achu” rimanun mañashcaunara tucuchishca huasha (1 Crónicas 16:36).
7. Diosta mañangaj timpura llucchi
Maican huras yapa mana lugar ashcamanda cungarinchi mañangaj. ¿Imasna Jesús valichica Diosta mañanara? Leaichi Mateo 14:23; Marcos 1:35, huasha catij tapuigunamanda rimaichi:
-
¿Imasnara Jesús timpura llucchica mañangaj?
-
Canga ¿maimandara timpura llucchina ushangui Diosta mañangaj?
RUNAUNA CASNA NINUJPI: “Diosta mañana ali sintichingajlla yanapan”.
-
¿Imara ninguima?
IMARA YACHASHCANGUI
Shungumanda Diosta mañashcauna paihuajma mayanllayachin. Shinallara ganaslla sintichin, ministishca ursara cun Jehová munashcara rurangahua.
Iyaringaj
-
¿Pita mañana anchi?
-
¿Imasnara mañana anchi?
-
¿Ima tunuunamanda mañashcaunara yanapan?
RICUNGUI
Ricui Diosta mañanamanda ashca runauna tapurishcauna cutipashcaunara.
“Canzhis tapuiguna Diosta mañanamanda” (La Atalaya, 1 de octubre de 2010)
Leai imarasha valishca an can mañachu shinallara imasna mas alira mañana ushangui.
“¿Imarasha valishca an Yaya Diosta oracionda mañana?” (jw.org partii tiaj tema)
Ricui Biblia yachachishca ñucanchi pita mañana ashcara.
Ricui cai música videohua maibi, ima huras mañana ushashcara.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
