LECCIÓN 11
Bibliara leashcai ¿imasnara valirina ushanchi?
Atun tarbanara rurana munashcai ¿sintishcanguichu chi tarbana shinzhi cuinta ashcara? Cai tarbanara tucuchingaj, ansa ansa ruranguima. Shina cuinta tucunma Bibliara leangaj. Huaquimbi tapurishcanguichu: “¿Maibi callarisha nisha?”. Cai lecciombi ricungaraunchi maican camachishcaunara imasna Bibliara leana, yachanas.
1. ¿Imarasha tucui punzha Bibliara leana anchi?
Maican caran punzha Bibliara ‘Jehová ley shimira’ leajta cushi anga shinallara paihua causaibi ali ringa (leai Salmo 1:1-3). Bibliara leangaj callaringahua, caran punzha ansa minutugunallara leasha callari. Diospa Shimira mas ricsisha, munanguima mas leasha catingaj.
2. ¿Imara yanapanga Bibliara leashcai valishca iyaigunara llucchingaj?
Leashcara mas ali intindingahua, Bibliara leaushcai iyarina anchi. Cai libro mana leangajllachu an, shinallara “iyanas angui” (Josué 1:8). Can leaushcai catij tapuigunara rurai: “¿Imara yachachihuan cai versiculoguna Jehovamanda? ¿Imasnara cai leashcaunara ñuca causaibi pactachina ushani? ¿Imasnara utilizana ushani shujcunara yanapangaj?”.
3. ¿Maimandara timpura can llucchina ushangui Bibliara leangaj?
¿Shinzhichu an Bibliara leangaj timpura llucchingahua? Ashcaunara shinallara tucun. “Timpura mana pirdisha” leangui (Efesios 5:16). Caran punzha Bibliara leangahua timpura ajllana ushangui. Maicanguna tutamanda leanun. Huaquinguna ruranun micungaraushcai. Shujcuna ruranun manara puñungaraushcai. Can leangaj ¿maican hurasta ali anga?
MAS YACHAI
Ricushun imara rurana ushanchi Bibliara leangaj mas ali achu. Caibi yachangaraungui Bibliara estudiangaj ali puruntuchingahua, yachaushcara ali intindingahuas.
Imasna mushuj micunara camasha munangaj callarinchi shinallara Biblia leanara munangaj callarina ushanchi.
4. Bibliara cushihua leangaj yachai
Maicambi mana ahualla anga Bibliara leasha callaringahua. Imasna ansa mushuj micunara micungaj callarisha mas munangui shinallara tucun Bibliara leanai ansa ansa leasha “mas munangui” leangahua. Leaichi 1 Pedro 2:2, huasha catij tapuigunamanda rimaichi:
-
¿Imara iyangui, can caran punzha Bibliara leasha catina yanapangachu Bibliara mas leasha catingaj?
VIDEORA ricuichi maican maltauna Bibliara leangaj mas munanushca. Huasha catij tapuigunamanda rimaichi:
-
Videoi ricurij maltauna ¿ima turbarinaunara vinsina ushanuca?
-
¿Imara yanapaca tucui huras Bibliara leangaj?
-
¿Imara ruranuca Biblia leashcara mas munangahua?
Callaringaj iyaiguna:
-
Sirtu shimi Biblia, intindinalla shimi charijtas ajllangui. Traducción del Nuevo Mundo Biblia camba shimii tiajpi leangui.
-
Bibliara leasha callaringui can mas munashca partii. Ricungui “Bibliara leangaj huaquin yanapaiguna” nishca partii.
-
Quillcasha churangui leashca partira. Cai publicaciombi “Bibliara leasha maibi saquirishcara señalangui” nishca partii ricungui.
-
Utilizangui JW Library®aplicacionda. Camba celularbi irguchisha, maibi ashas Bibliara leana uyanas ushangui.
-
Utilizangui apéndices partiunara Traducción del Nuevo Mundo Bibliai. Chibi tupangui mapaguna, recuadroguna, huaquin shimiunamanda listaras Biblia leashcara mas munangahua.
5. Caran cuti Bibliamanda yachangahua purunturi
Leaichi Salmo 119:34, huasha catij tapuimanda rimaichi:
-
¿Imarasha ministirishca an oracionda rana manara Bibliara leashcallaira o Bibliara estudiangahuas?
¿Imasnara Bibliara estudiaushcai mas ali yachanguima? Cai lecciongunara yachaushcai, cai camachishcaunara cati:
-
Caran lecciombi punda paginara leangui.
-
Bibliamanda textogunara leashca huasha, ricui imasnara cai temara mas intindingaj yanapan.
-
Tapuira cutipanara pintai. Cai yanapanga camba yachachijhua estudiangaj.
¿Yachanguichu?
Jehovahuaj testigoguna caran tunu Bibliagunara utilizashcanchi shinajpis Traducción del Nuevo Mundo Bibliara mas munanchi intindinalla, sirtu shimi, Diospa shutis charishcaraigu (jw.org partii cai temara ricungui: “¿Jehovahuaj testigoguna paiguna quiquin Biblia charinun?”).
RUNAUNA CASNA NINUJPI: “Bibliara estudiana shinzhi an. Mana charini timpura, mana yachanas munani”.
-
¿Imara can iyangui?
IMARA YACHASHCANGUI
Bibliara mas ali intindingahua timpura llucchi leangahua, Diosta mañai leashcara alira intindingahua, Bibliara yachangahuas purunturi.
Iyaringaj
-
¿Imara yanapanga Bibliara mas ali intindingahua?
-
¿Ima hora caran punzha Biblia leanara yachanaras ajllana ushangui?
-
¿Imarasha valishca an Bibliamanda yachangahua purunturingaj?
RICUNGUI
Ricui huaquin yanapaigunara Bibliara leashcai ali intindingahua.
Yachai quinsa yanapaigunara Bibliara leangahua.
Ricui imasna cushiyasha Bibliara leangaj.
Bibliara ashca timpu leajcuna rimashcaunara ricui.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
