Cai runai confiana ushanchi pai tucui mandashcaunara alira respetan, pai rimashcara pactachin, tucui huras sirtura riman. Shina rasha paihua yayauna, paihua amigoguna, paihua jefeguna paibi confiana ushanun.

Tucui huras canda lugarda cunuchu, can ricuchina angui shujcuna cambi confianuchu.

“Yayauna canda confianuchu tucui huras alira ricuchina angui can rurashcaunahua rucu tunu mana paigunahua ashcallai” (Sarahi).

BIBLIAMANDA IYAI: “Cangunallara camaichi” (2 Corintios 13:​5).

Cai catij camachishcauna yanapanga camba yayauna cuti cambi confianuchu, mas canda confianuchu.

Tucui huras sirtura rimai. Can llullajpi cambi mana confiana ushanunga. Shinajpi can pandarijpis sirtura rimasha tucuiguna canda confiana ushanunga.

“Tucui ali ajpi ahualla an sirtura rimangaj shinajpi maicambi can pandarisha rimana angui, shujcuna canda confianuchu” (Caiman).

BIBLIAMANDA IYAI: “Tucui alirasha causangaj munasha” (Hebreos 13:18).

Ali pactachij ana angui. Shu estudio rurashca Estados Unidos llactai recursos humanos partii 78% tarbaj runauna quirinun ali pactachij shu requisito anmi quinsa tunumanda shu tarbanara charingaj. Cunamanda ali pactachij angaj yachasha canda yanapangami rucuyashcai.

“Ñuca yayauna riparanun, tucui huras ñuca alira rurajpi mana cutillara paiguna rimashcai. Ñuca mas alira rurasha, mas ñucajpi confianun” (Sarah).

BIBLIAMANDA IYAI: “Can caźushcara yachasha, caitas yachasha: Can ñuca rimashcara yalijta pactachingui” (Filemón 21).

Chapaisiqui ai. Ahuallami an shu runa paihua ricurinai ña cambiarishca ashcara ricungaj, mas timpura ministin yachangaj pai sintishcara iyarishcara mas ali ashcara.

“Mana ahuallachu an camba yayaunara, shujcunara confianza charinuchu dsaslla rurasha, tucui huras alira rurasha caran cuti canda mas confianunga” (Brandon).

BIBLIAMANDA IYAI: “Churarichi [...] ahuantaisiqui shunguras” (Colosenses 3:12).