Casarashcauna pariju tarbasha shu avionda manejaj paihua yanapaj cuinta chi puistumallara rina munanun. Turmindusgunara charishas paiguna quiquin munashcaunai mana iyarisha ishquindij imara mas ali an iyanun.

BIBLIAMANDA IYAI: “Mana ishquichu anaun astaun shu aichalla” (Mateo 19:6).

“Cari huarmi pariju tarbana anun. Paiguna casarashcai cushiyangahua” (Christopher).

Llaquiunara charisha casarashcauna mana pariju tarbasha, paigunapura macanusha cai llaquiunara alichina randimanda, cai ichilla llaquiuna atun llaquiuna tucun.

“Pariju tarbana casarashca ucui ashca ministishcami an. Ñuca, ñuca carihua mana pariju tarbausha ishqui pariju causajcunalla cuinta ashun, shinajpi valishca decisiongunara mana pariju ajllashcauna” (Alexandra).

CANLLAI IYARI

• ¿Iyaringui can ganashca cullqui canllaj ashcara?

• ¿Can casarashca asha cari illaj, huarmi illaj ministinguichu ganaslla sintiringaj?

• ¿Ansahualla apanunguichu camba cari, huarmi ailluhua paiguna huangulla ajpi?

CARI HUARMI PARIJULLA CUINTARINGAJ

• ¿Ñucanchi casarashca ucui imai ali pariju tarbaunchi?

• ¿Ima tarbanai mas aliyachina ushanchi?

• ¿Imara rurana ushanchi mas alira pariju tarbangahua?

CASNA RURAI

• Iyari casarashcauna causai canuai rina cuinta an. ¿Imara rurana ushanun shu lugarmandalla pactangaj mana caran purama taunasha?

• Can sapalla pactangaj iyarina randimanda, imasna ishquindi pactangaj iyari.

“Mana imaschu maican ali o manali ajta, mas valij an ganaslla parijulla angaj casarashcai” (Ethan).

BIBLIAMANDA IYAI: “Caran duiñu ama paihua quiquimbajllara ricuchu, astaumbas shinallara shujcunajtas” (Filipenses 2:​3, 4).