Perdonana anmi shu piñanushcara cungarisha shungüi mana huacachingaj. Perdonana mana anzhu chi piñanushcara mana pasashca cuinta ricungaj.

BIBLIAMANDA IYAI: “Parijumanda ahuantanuichi. Parijumanda perdonanuichi maican runa shujta piñajpi” (Colosenses 3:13).

“Maicanda can llaquisha ama ricungui pai manali rurashcallai maspas pai ursariushcai ali tucungaj” (Aaron).

Piñarishcara huacachina canda huajlichina ushan camba saludpi, can sintishcai shinallara can casarashcaras huajlichina ushan.

“Shu cuti ñuca cari perdonda mañaca ñucara nanajta rurachishcamanda, perdonangaj shinzhi ajllaira, huasha perdonacani. Punda mana perdonashcamanda llaqui sintirini. Ñucanchi apanuna mana llaqui anmachu aca chimanda” (Julia).

CANLLAI IYARI

Iyari catij tapuigunai camba cari o camba huarmi canda nanachijpi:

• ¿Canzhu angui yapajta can sintirishcara ricuchij?

• ¿Ministinguichu quishpichira mañangaj manajpi pai rurashcara cungaringaj?

CARI HUARMI PARIJULLA CUINTARINGAJ

• ¿Masna unayanchi perdonangaj?

• ¿Imara rurana anchi uctalla perdonangaj?

CASNA RURAI

• Camba huarmi camba cari canda nanachijpi ama iyarichu munasha shina ruran nisha.

• Camba cari camba huarmi rurashcai intindi, iyari “tucui ñucanchi caran cuti pandanchi” (Santiago 3:​2).

“Ishquindipura culpara charisha ahualla an perdonangaj, mas shinzhi an ishquindimanda maican culpara charijpis. Quishpichira apingaj maicanda perdonangaj mansu shungura charina anchi” (Kimberly).

BIBLIAMANDA IYAI: “Uctalla alichingui” (Mateo 5:25).