27 de enero 2023 huatai ashca runauna Día Internacional en Memoria del Holocausto nishcara iyarinunga. Chi turmindachina 75 huata huashai tucuca. Chi turmindachina timpui ashca runauna turmindachinara huanchinaras iyarisha can tapuringuichari, ¿imarasha Yaya Dios chita tucuchu saquishca?

•   Caimanda Biblia ima nishcara yachangaj “¿Imarasha ashca judío runauna turmindachishca anuca? ¿Imarasha Yaya Dios paigunara turmindachinuchu saquica?” nishca temara leai.

 Judío runauna Holocausto turmindachinai yapa llaquirinuca. Ashca huaranga judiogunara puruntusha huanchinuca. Shinallara shuj muntungunamanda runaunaras catisha huanchinuca chi turmindachina timpui. Chi muntungunai Jehovahuaj testigoguna tianuca, paigunas turmindachishca anuca Biblia yachachishcaunara quirishcamanda.

•   Caimanda mas yachangaj, “¿Qué les ocurrió a los testigos de Jehová durante el Holocausto?” nishca temara leai.

 Ashca runauna manzhai charinun chi atun turmindachina cuinta cuti tucuchu. Shinajpi Biblia rimashcara yachana ganaslla sintichin, chibi nin shamuj punzhaunai chi tunu turmindachina mana cuti tianara.

•   “Ñucallara alimi ricsini ima iyaigunahua cangunamanda iyauni, caimi Jehová riman, ganaslla, mana llaqui iyaigunas, suni causaira shu chapanaras cungaj” (Jeremías 29:11). a

 Cai sumaj chapana pactaringa Jehová Dios manaliunara tucuchisha tucui huajlichishcaunara alichishcai. Ñalla Dios cai rimashca shimiunara pactachinga:

•   Manalira rajcunara, shujcunama turmindachijcunaras tucuchingami (Proverbios 2:22).

•   Turmindachishcamanda ungushcaunara alichinga, ña mana turmindarinunga (Apocalipsis 21:4).

•   Huañushcaunara cai allpai cuti causachinga (Juan 5:28, 29).

 Can sirtu pacha quirina ushangui cai sumaj Dios cushca chapanara. Yaya Dios rimashca shimiuna imasna pactachinara yachana munasha canda cumbiranchi shu yachachijhua Bibliamanda yachangaj.