2022 julio quilla pasaushcai, intiru mundui indi yapajta rupachiushcara rimanushca.

•   25 de julio de 2022, servicio de noticias de la CNN nishca cuintaca: “Ñaca 70 China llactaunai indi ishqui cuti mana ima huras cuinta yapajta rupachiushca cai quillai”.

•   17 de julio de 2022, The Guardian nishca periódico nica: “Europamanda ashca partiunai indi yapajta rupachishcaraigu ashca sachauna rupachishca tucunun”.

•   24 de julio de 2022, The New York Times nishca periódico nica: “Cai domingo punzha Estados Unidosmanda maican llactaunai mana ima huras cuinta indi yapajta rupachiushca costa este, sur, Medio Oeste nishca partiunai”.

 ¿Cai noticiaguna ricuchinzhu allpai ña mana causana ushashun? Caimanda Biblia ¿imara nin?

 Ari, Biblia riman ñucanchi timpuunai indi yapajta rupachishca cuinta tucunauna tiana ashcara. Jesús rimaca “manzhanaita atun ricurinauna ahua pachai ricurimunaungami” nisha (Lucas 21:11). Ashca runauna manzharinun indi caran cuti yapa rupachisha catishcamanda, paiguna quirinun runaunallara allpara huajlichisha tucuchinga.

 Mana, Yaya Dios allpara rurarca runauna huiñaigama chibi causanuchu (Salmo 115:16; Eclesiastés 1:4). Pai mana saquinga runauna allpara tucuchinuchu. Maspas pai nin, “timpu pactamun cai pachara tulajcunara tulangaj” (Apocalipsis 11:18).

 Imasna Yaya Dios cai allpara alichinga yachangaj, ishqui iyaigunara ricushun:

•   Yaya Dios mana saquinga intiru allpa chaquishca tucuchu, maspas tucui runauna huajlichishcara alichinga. Biblia nin: “Runa illashca parti, chaquishca pambas cushihua undaringami, runa illashca pamba cushi angami, azafrán shina sisayangami” (Isaías 35:1).

•   “Can runaunama micuna muyuunara cungui, casna cuchu allpara can rurashcangui” (Salmo 65:9). Yaya Dios cai allpa sumaj paraíso tucuchu ruranga.

 Indi yapa rupachishca imasna Biblia rimashca profeciagunara pactachin yachangaj “¿Qué dice la Biblia sobre el cambio climático y nuestro futuro?” nishca temara leangui.

 Imasna Yaya Dios cai allpara alichinga yachangaj munasha “¿Quién salvará el planeta?” nishca temara leangui.