Ucrania llactai tiaj guerra ricuchishca ashca religiongunara pushajcuna guerra tiachu yanaparianun. Ricui imasna paiguna yanaparianun chi guerrai ishqui llactaunara:

•   Shu religionda pushaj nica: “Ahuayachinchi shinallara pagarachunchi ñucanchi suldaruunara Ucrania llactara ñucanchiras chijnijcunamanda difindiushcaraigu […] Ñucanchi shunguuna, mañashcaunas, yanapaigunas cangunahua tianmi” (metropolitano Epifanio I de Kiev, The Jerusalem Post, 16 de marzo de 2022).

•   Shu noticiai ninuca: “Iglesia ortodoxa nishcara pushaj cai domingo punzha shu misara rurarca, ruso suldaruunara animachica paiguna llactara difindingahua ‘ruso runaunalla yachashca cuinta’ nisha. Astaumbas Ucrania llactai Moscú suldaruuna paiguna campañara rurasha catirianun” (Reuters, 3 de abril de 2022).

 ¿Jesusta catijcuna guerrama rina anun? Caimanda Biblia ¿imara nin?

 Biblia yachachin sirtu Jesusta catijcuna guerragunama mana rina anun.

•   “Camba isparara sati cara ucui. Tucui isparara apijcuna isparahua huañunaungami” (Mateo 26:52).

   Shu runa guerra tiachu munasha, guerrai macanusha, ¿Jesús nishcara sirtu pactachinzhu?

•   Juan 13:34, 35 nin: “Mushuj mandashca shimira cangunara rimauni: Parijumanda llaquinaunguichi. Ñuca cangunara llaquishcasna, shinallara parijumanda llaquinaunguichi. Caimanda tucui runauna canguna ñuca yachachishca runauna ajcunara ricsinaungami, canguna parijumanda llaquinanaupi”.

   Shu runa guerragunara yanapasha ¿Jesusta catijcuna cuinta sirtu llaquinara ricuchinzhu?

 Caimanda mas yachangahua munasha “El cristianismo y la guerra: ¿son compatibles?” nishca temara leangui.

 ¿Cuna punzhaunai Jesusta catijcuna guerragunai masarinunzhu? Mana. Biblia rimaca ñucanchi timpui ‘puchucai punzhauna’ ashcara. Cai timpui tucui llactamanda aj runauna “guerra rurangaj ña mana mas yachanunga” Jesús yachachishca cuinta (Isaías 2:2, 4).

•   Caimanda mas yachangahua munasha La Atalaya revistai “¿Qué piensa Dios de las guerras?” nishca temagunara leangui.

 Ñallami Jehová, a ganaslla causaira cuj Dios ashcamanda paihua mandanara utilizanga runaunara “llaquichinamanda, macanunamandas” quishpichingaj (Filipenses 4:9; Salmo 72:14).

•   Caimanda mas yachangahua Diospa Reino ¿imara an? videora ricungui.