Cientificokunam kay 2023 watapi 24 enerota nirqaku fin del mundo kayllapiña kasqanta, hinaspam relojwan rikchanachispanku nirqaku chawpi tuta horaman chayaykuchkaq hinaña kasqanmanta. a

•   Noticiakunata willakuq Servicio internacional (AFP) niqmi kaynata nirqa: “Kay martes punchawtam nirqaku chawpi tutaman hora chayaykuchkanmanpas hina fin del mundo aswan hichpallapiña kasqanmanta. Chaynataqa nirqaku Ucraniapi guerra kasqanraykum, bomba nuclear nisqankuwan manchachinakusqankuraykum hinaspa allpa pachanchik aswan qachallaña kasqanrayku runakuna tukuywan sasachakusqanchikraykum”, nispa.

•   Noticiakunata willakuq ABC News nisqanpas kaynatam nirqa: “Kay martes punchawtam cientificokuna nirqaku fin del mundo chayamunanpaqqa chawpi tutaman hora chayananpaq 90 segundollaña faltachkaq hina kasqanta. Manam haykapipas chayna hichpallapiñaqa karqanchikchu”, nispa.

•   Noticiakunata willakuq The Guardian nisqapas kaynatam nirqa: “Achka nacionkunamanta kaq cientificokunam ninku runakunapa vidan mana haykapipas kayna peligropi kasqanta”, nispa.

 ¿Runakunawan allpa pachanchikchu chinkanqa? ¿Manchakunanchikchu qipakunaman ima pasananmanta? ¿Ima nintaq bibliapiqa?

 Bibliapim nin ‘kay allpa pachaqa wiña-wiñaypaq kananmanta’ hinaspa runakuna ‘wiña-wiñaypaq chaypi kawsakunankumanta’ (Eclesiastes 1:4; Salmos 37:29). Chaynaqa, manam runakunaqa kay allpa pachataqa chinkachinqakuchu, manataqmi manaña kawsanapaq hinataqa ruwarunqakuchu.

 Chaywanpas bibliapiqa ninmi imakuna tukunanmanta. Ninmi ‘Diosta mana yupaychaq runakuna wañunankumanta’ (1 Juan 2:17).

•   Fin del mundomanta bibliapa ima nisqanta yachanaykipaq leey “¿Se acerca el fin del mundo? ¿Qué es el apocalipsis?” nisqanta.

•   Qipakunata imakuna pasananmanta bibliapa nisqanta astawan yachanaykipaq leey “¿Cuándo será el fin del mundo?” niqta.

 Bibliaqa hawkalla kananchikpaqmi yanapawanchik enteron allpa pachapi tukuy mana allinkuna pasaptinpas. ¿Imaynatataq yanapawanchik?

•   Bibliaqa allinta kawsakunapaqmi consejawanchik (2 Timoteo 3:16, 17). Sasachakuykuna kaptinpas hawkalla kawsakunapaq bibliapa nisqan yanapawananchikmanta yachanaykipaq leey “¿Imakunataq yanapawachwan llumpayta mana preocupakunapaq?” niq yachachikuyta.

•   Bibliaqa willawanchiktaqmi hamuq tiempopi kusisqaña kawsakunamantapas (Romanos 15:4). Willawanchikmá kay tiempopi hinaspa hamuq tiempopi imakuna pasananmanta. Chaymi yanapawanchik tukuy ima pasakusqanwan llumpayta mana hukmanyaspa hawka kawsakunapaq.

 Bibliamanta astawan yachanaykipaqmi kallpanchaykiku Jehova Diospa testigonkunawan bibliata estudianaykipaq.