Guerrakuna kasqanraykum enterollan allpa pachapi runakuna ñakarillanku hinaspa waqallanku. Kay qatiqninpim kachkan willakusqanku:

•   Kay 2023 wata 7 punchaw junio killatam Instituto de Investigación para la Paz de Oslo, nisqan nirqa: “1994 watamantaqa, qayna watam Etiopia nacionpi hinaspa Ucrania nacionpi achka-achka runakuna guerrapi wañururqaku”, nispa.

•   Kay 2023 wata 8 punchaw febrero killatam Proyecto de Datos de Localización y Eventos de Conflictos Armados [ACLED], nisqan nirqa: “Tukuy ima sasachakuykunamanta huknillanmi karqa 2022 watapi Ucraniawan Rusia guerrapi kasqankuqa. Enterollan allpa pachapim kay pasaq watataqa sasachakuykuna yapakururqa autoridadkuna mana allinta ruwasqankurayku. Chaywanqa 1.700 millon runakunam sasachakurqaku”, nispa.

 Ichaqa bibliapim niwanchik: “Kamachiqkuna kamachichkaptinmi hanaq pacha Diosqa runakuna kamachiyta qallarinqa. Manam pipas kamachiq kasqanmantaqa haykapipas hurqunqachu”, nispa (Daniel 2:44). Diosqa kamachispanmi chinkachinqa kay pachapi wañuchinakuyta (Salmos 46:9).