Achka runakunam piensanku bibliapi kamachikuykunaqa ñawpa runakunapaq kasqanrayku manaña kasukunapaq kasqanmanta. Chaymi munasqankuman hina kawsakunku. Iglesiakunapi yachachiqkunapas manañam Diospa kamachikuyninkunaman hinañachu yachachinku. Hinaptinqa, ¿manañachu Diospa kamachikuyninkunataqa kasukuna? Kasukunanchikmi, qatiqninpiyá chaymanta yachaykusun.

 Diosllam yachan imam allin utaq mana allin kasqantaqa, chaymi runakunaqa necesitanchik pay yachachiwananchikta. Bibliapipas ninmi: “Runapaqqa manam makinpichu maynin puriyta akllakunanpaqqa”, nispa (Jeremias 10:23, TNM). Jehova a Diosqa tantiakuqtam unanchawarqanchik, ichaqa payllam niwanchikman imam allin utaq mana allin kasqanmantaqa. Chaymi payqa munan kamachikuyninkuna kasukunanchikta (Proverbios 3:5 b).

 Diospa kamachikuyninkunaqa bibliapim kachkan. Chay kamachikuykunata imanasqa kasukunanchikmantam qatiqninpi yachaykusun.

•   Diosqa unanchawaqninchikmi (Salmos 100:3). Payqa unanchawaqninchik kasqanraykum yachan imaynata kawsakuspa kusisqa kananchikmanta. Yachantaqmi mana kasukuspaqa sasachakuypi tarikunanchikmanta (Galatas 6:7). Jehova Diosqa kusisqa kawsakunanchiktam munan chaymi niwanchik: “Allinnikipaq yachachiqnikim kani. Imaynam kawsanaykipaq yachachiqnikim kani”, nispa (Isaias 48:17).

•   Sunqunchikqa pantachikuqllañam. Runakunam ninku: “Sunquykipa munasqanman hina imatapas ruway”, nispa. Ichaqa bibliapim nin: ‘Runapa sunqunqa, tukuy imamantapas aswan engañakuq hinaspa mana allinpa huntasqanmi’, nispa (Jeremias 17:9). Sunqunchikpa munasqanman hina tantiakuspaqa sasachakuypi tarikuspam ñakakusun (Proverbios 28:26; Eclesiastes 10:2). Chaymi kusisqa kawsakuyta munaspaqa Jehova Diospa kamachikuyninkunata kasukunanchik.

 Manapunim. Bibliaqa Diospa munasqanman hina kawsakunanchikpaqmi imam kaqta yachachiwanchik (1 Corintios 6:9-11; Galatas 5:19-23). Chayta yachananchiktam Jehova Diosqa munan (1 Timoteo 2:3, 4). Chaymi Diosmanta yachachiqkunaqa bibliapi nisqaman hina imam kaqta yachachinanku (Tito 1:7-9).

 Achka runakunam Diospa kamachikuyninkuna kasukuytaqa mana munankuchu. Chaymi munasqankuman hina kawsakunankupaq yachachiq religionkunaman yaykunku. Chaypiqa ninkum imayna kawsakuptinkupas Dios chaskisqanmanta, hinaspam tantiasqankuman hinalla imam allin utaq mana allin kasqanmanta yachachinku (2 Timoteo 4:3). Ichaqa bibliapim nin: ‘Ay, imaynaraq kankichik mana allinta allinmi niqkunaqa!’, nispa (Isaias 5:20). Imam kaqta mana yachachiq religionkunamantaqa Diosmi cuentata mañanqa.

 Manam. Diosta kasukuq runakunaqa Jesusta qatipakuspankum kamachisqanta kasukunku. Jesusqa qatiqninkunamanmi yachachirqa runamasinkuta llakipayaspa kuyapayanankupaq, mana juzganankupaq chaynataq mana chiqnipakunankupaq (Mateo 5:43, 44; 7:1).

 Chaymantapas Jesusqa yacharqam wakin runakunaqa nisqanta mana kasukunankumanta. Chaymi qatiqninkunaqa Diospa kamachikuyninman hina kawsakuspankupas mana pitapas obliganankuchu karqa Diosta kasukunankupaqqa (Mateo 10:14). Jesusqa manataqmi nirqachu qatiqninkuna autoridad kay munaqkunawan chaqrukuspanku Diosta kasukunankupaq runakunata obliganankupaqqa (Juan 17:14, 16; 18:36).

 Arí, allinninchikpaqmi (Salmos 19:8, 11). Yanapawanchikmi:

•   Kusisqa kanapaq (Proverbios 29:6).

•   Dioswan kuyachikunapaq (Proverbios 3:32).

•   Sasachakuykunawan mana hukmanyarunapaq (Proverbios 11:8).

•   Wiñay kawsayta haypanapaq (Salmos 37:29).