J.t.ñ. 4026 wata pasayta

Jehova Dioslla kamachinanpaq derechoyuq kasqantam ‘culebra’ iskayrayachirqa. Diosmi willakurqa huk ‘miray’ kananmanta, chay miraymi culebrapa utaq satanaspa umanta chamchanqa (Genesis 3:1-5, 15). Ichaqa runakuna kamachinakunankupaqmi pisi tiempollata satanaspa makinpi Diosqa saqirqa.

J.t.ñ. 1943 watapi

Jehova Diosmi Abrahanman nirqa ‘mirayqa’ paymanta rikurinanta (Genesis 22:18).

J.t.ñ. 1070 wata pasayta

Jehova Diosmi rey Davidman hinaspa churin Salomonman willarqa prometesqan ‘mirayqa’ paykunapa mirayninkumanta kananta (2 Samuel 7:12, 16; 1 Reyes 9:3-5; Isaias 9:6, 7).

J.t. 29 wata

Jehova Diosmi willachirqa prometesqan ‘mirayqa’ Jesus kasqanta chaynataq Davidpa trononpi tiyaspan kamachinanta (Galatas 3:16; Lucas 1:31-33; 3:21, 22).

 J.t. 33 wata

Culebram utaq satanasmi runakunawan Jesusta wañuchirqa, chayqa karqa Diospa prometesqan ‘mirayta’ talonninpi kachusqan hinam. Diosmi ichaqa Jesusta kawsarichirqa, hinaspam hanaq pachaman kutiptin chuya vidan entregasqanta chaskirqa. Jesus rantinchikpi wañusqanraykum Diosqa huchanchikmanta pampachawanchik, chaynapi wiñay kawsayta haypanapaq (Genesis 3:15; Hechos 2:32-36; 1 Corintios 15:21, 22).

J.t. 1914 wata

Chay wata ukupim Jesusqa culebrata utaq satanasta hanaq pachamanta wischumurqa pisi tiempolla allpa pachapi kananpaq (Apocalipsis 12:7-9, 12).

Hamuq tiempopi

Jesusmi satanasta 1.000 wata presochanqa, chaymantam wiñaypaq chinkachinqa. Chaymi kanqa umanta chamchasqan hina. Hinaptinmi cumplikunqa qallariymantapacha allpa pachapaq chaynataq runakunapaq Jehova Diospa munaynin. Hinaspapas tukuy mana allin rimasqankumantam Diospa sutin chuyanchasqa kanqa. Chaymantapas Dioslla allin kamachiq kasqanmi yachakunqa (Apocalipsis 20:1-3, 10; 21:3, 4).