2 Samuel 4:1-12
4 Saulpa churin Is-bosetmi+ yacharurqa Hebron llaqtapi+ Abnerta wañurachisqankuta, chaymi llumpay hukmanyasqa tarikurqa. Llapallan Israel runakunapas hukmanyasqam tarikurqaku.
2 Saulpa churin Is-bosetpam karqa iskay runankuna, paykunaqa karqaku llaqtakunata yaykuspa imatapas qichumuq runakunapa kamachiqninmi. Hukninpa sutinmi karqa Baana, hukninpañataqmi Recab. Iskayninkum karqaku Beerot llaqtayuq Rimonpa churinkuna. Payqa karqa Benjamin ayllumantam. Beerot llaqtaqa+ karqa Benjamin ayllupam.
3 Beerot llaqtayuqkunaqa Guitaim llaqtamanmi+ ripukurqaku, chaypim forastero hina kunankama yachachkanku*.
4 Saulpa churinmi karqa Jonatan,+ Jonatanpa churinñataqmi karqa Mefiboset, payqa wiqrum* kallarqa.+ Pichqa watachayuqllaraq kachkaptinmi Saulwan Jonatan wañukusqanmanta willakuy chayarurqa Jezreel llaqtamanta.+ Hinaptinmi chay wawata uywaq warmiqa utqayman ayqikuchkaspan kachaykurqa, chayraykum warmachaqa wiqruña qiparurqa.+
5 Rimonpa churin Recabwan Baanam Is-bosetpa wasinta rirqaku chawpi punchaw nisyu rupaypi, Is-bosetqa nisyuta rupamuptinmi puñukuchkarqa.
6 Recabwan wawqin Baanaqa+ wasimanmi yaykururqaku trigota maskaqtukuspanku, hinaspankum Is-bosetta wiksanpi tuksiruspanku ayqikurqaku.
7 Wasiman yaykuptinkuqa Is-bosetqa camanpim puñukuchkarqa. Hinaptinmi tuksiruspanku wañurachirqaku, hinaspankum umanta qururuspa aparqaku. Paykunaqa tukuy tutam Araba lawman riq ñanninta rirqaku.
8 Hebron llaqtaman chayaruspankum Is-bosetpa+ umanta kamachiq Davidman aparqaku, hinaspam nirqaku: “Kamachiqlláy, Is-bosetpa umantam apamurqaykiku, payqa wañuchiy munasuqniki Saulpa churinmi.+ Jehova Diosmi makikiman churaykun Saulta chaynataq mirayninkunatapas mana allinta ruwasusqaykimanta”, nispa.
9 Davidmi ichaqa Rimonpa churin Recabta hinaspa Baanata nirqa: “Tukuy mana allinmanta librawaqniy Jehova Diospa sutinpim nini,+
10 allin willakuypaq hapispan ‘Saulmi wañurun’+ nispa hamuwaqniy runatam wañuchinankupaq kamachirqani+ Ziclag llaqtapi. ¡Chaynatamá ruwarqani willakuyta apamuwaqniy runataqa!
11 ¡Qamkunaqa mana huchayuq runatam wasinpi puñukuchkaqta wañurachimunkichik! Chaynaqa, ¿manachu qamkunatapas wañuchikichikman+ payta wañuchimusqaykichikmanta?”, nispa.
12 Chaynata nispanmi Davidqa kamachirqa chay runakunata wañuchinankupaq.+ Hinaptinmi makinkutawan chakinkuta qurururqaku, hinaspankum Hebron llaqtapi pozopa waqtanpi warkururqaku.+ Is-bosetpa umantañataqmi Hebron llaqtapi Abnerpa pampakusqanpi pamparurqaku.
