Jueces 5:1-31
5 Chay punchawpim Abinoampa churin Baracwan+ Debora+ takirqaku:+
2 “Israel tropakunam chukchankuta kacharisqata saqirurqaku,runakunam kikillankumanta peleaq rirqaku,+¡chayraykuyá Jehova Diosta hatunchaychik!
3 ¡Yaw kamachiqkuna uyariychik! ¡Yaw kamachiqkuna allintayá uyariychik!
Ñuqam Jehova Diospaq takisaq*.
Israelpa yupaychasqan Jehova Diospaqmi takipusaq.+
4 Jehova Dioslláy, Seir lawmanta lluqsimuptikim,+Edom lawmanta lluqsimuptikim,allpapas katkatatarqa, parapas chayamurqam,puyukunamantam llumpayta paramurqa.
5 Urqukunam Jehova Diospa qayllanpi katkatatarqa*,+Sinai urqupas Israelpa yupaychasqan Jehova Diospa qayllanpim katkatatarqa.+
6 Anatpa churin Samgarpa kawsasqan punchawkunapiqa,+Jaelpa kawsasqan punchawkunapiqa,+ manañam runakunaqa ñannintañachu purirqaku,illaqkunapas huklaw ñannintañam purirqaku.
7 Israelpi chakra runakunapas ripukurqakum,manam karqakuchu ñuqa Debora+Israel runakunapa maman hina kanaykama.+
8 Paykunaqa taytacha-mamachakunataña yupaychanankupaqmi akllakuykurqaku.+
Hinaptinmi llaqtakunapa punkunpi pelearqaku.+
40.000 Israel runakunapaqa,manam karqachu lanzankupas nitaq harkachikunankupas.
9 Israel tropakunapa kamachiqninkunatam sunqumanta yanapani,+paykunam kikillankumanta peleaq rirqaku.+
¡Jehova Diostayá hatunchaychik!
10 Yaw, qarwa asnopi sillakuqkuna,yaw, sumaq pillunkunapi tiyaqkuna.
Yaw, ñanta chakillawan puriqkuna.
¡Yuyaymanaychikyá!
11 Animalninkupaq yaku hurquqkunapa rimasqankum uyarikurqa.
Chay yaku hurqusqankupim Jehova Diospa allinkuna ruwasqanmanta rimachkarqaku,rimachkarqakutaqmi Israelpi chakra runakunapa allinkuna ruwasqankumantapas.
Hinaptinmi Jehova Diospa runankunaqa llaqtakunapa punkunman rirqaku.
12 ¡Rikchariy Debora, rikchariy!+
¡Rikchariy, rikcharispaykiyá takiy!+
¡Hatariy Barac!+ ¡Abinoampa churin Barac, presochasqaykikunatayá pusay!
13 Israel runakunamanta puchuqkunam riqsisqa runakunata yanapanankupaq rirqaku,Jehova Diospa runankunam ñuqaman hamurqaku kallpasapa soldadokunawan peleanaykupaq.
14 Efrain ayllumanta kaqkunam pampapi karqaku,Benjamin ayllu, Efrain aylluqa qamkunawanmi richkan.
Makirpa mirayninkunamantam+ tropakunapa kamachiqninkuna hamurqaku,hamurqakutaqmi Zabulon ayllumanta soldadokunata huñuqkunapas*.
15 Isacar ayllumanta kamachiqkunam Deborata yanaparqaku.
Isacar ayllu hinam Baracpas yanaparqa.+
Payqa chakillawanmi pampaman rirqa.+
Ruben ayllumanta kaqkunam iskayrayarqaku.
16 ¿Imanasqataq alforjapi tiyakurqanki?
¿Imanasqataq oveja michiqkunapa quena waqachisqanta uyarispayki tiyakurqanki?+
Ruben ayllumanta kaqkunam mana risqankumanta ñakakurqaku.
17 Galaad runakunam Jordan mayupa chimpanpi qipakurqaku.+
¿Imanasqataq Dan ayllumanta kaqkunaqa botenkupa waqtanpi qipakurqaku?+
Aser ayllumanta kaqkunapas lamar quchapa patanpim mana imata ruwaspa tiyakurqaku,manam maymi kasqankumanta asurirqakuchu.+
18 Zabulon ayllumanta kaqkunaqa manam wañuytapas manchakurqakuchu,chaynam wak urqukunapi yachaq* Neftaliy ayllumanta kaqkunapas karqaku.+
19 Kamachiqkunam hamuspanku pelearqaku,Canaan runakunata kamachiqkunam pelearqaku+Taanac llaqtapi, Meguido yakupa hichpanpi.+
Manam ima qullqitapas qichurqakuchu.+
20 Hanaq pachamantam lucerokuna peleamurqa,maymi kasqanmantam Sisarawan peleamurqa.
21 Cison wayqupi lluqllam chiqniwaqninchik runakunata aparurqa.+
Chay ñawpaq Cison wayqupi lluqllam paykunata aparurqa.
Ñuqaqa karqani kallpasapa runakunata sarupachkaq hinam.
22 Caballokunapa kallpasqanmi uyarikurqa,uyarikurqam kallpasapa caballokunapa apurawllamanña kallpasqan.+
23 Jehova Diospa angelninmi nirqa: ‘Meroz llaqtatayá ñakaychik.
Arí, runankunatayá ñakaychik,Jehova Diosta mana yanapasqankurayku,paykunaqa kallpasapa runankunawanmi Jehova Diosta mana yanaparqakuchu’, nispa.
24 Warmikunamanta aswan hatunchasqaqa Jaelmi,+Jaelqa Ken runakunamanta kaq Heberpa warminmi.+
Carpakunapi yachaq warmikunamantapas aswan hatunchasqayá kachun.
25 Yakuta Sisara mañakuptinmi Jaelqa lecheta quykurqa.
Kuyayllapaq tazonpim lluklluta quykurqa.+
26 Ichuq* makinwanmi carpa hapiq estacata hapiykurqa.
Alliq* makinwanñataqmi llamkaqpa mazonta hapiykurqa.
Chaywan takaruspanmi Sisarapa umanta pakirurqa,rinri kulluntam pasanarachirqa.+
27 Chaymi Sisaraqa Jaelpa chakinman wichiykuspan hinallapi qiparurqa.
Jaelpa chakinman wichiykuspanmi hinallapi qipichakururqa.
Wichiykuspanmi hinallapi wañururqa.
28 Wasipa ventananmantam huk warmi qawamurqa.
Sisarapa mamanmi ventananta* qawamuspan nirqa:‘¿Imanasqataq wawaypa carretanqa mana rikurimunchu?
¿Imanasqataq caballonkunapa hamusqantaqa mana uyariniraqchu?’, nispa.+
29 Hinaspam Sisarapa mamanqa kikillan nikurqa,wasinpi ancha yachayniyuq warmikunapas nirqakum:
30 ‘Tukuy ima qichusqankutachá rakinakuchkanku.
Sapa soldadomanchá huk sipasta, iskay sipasta quchkanku.
Sisaramanñataqchá quchkanku kuyayllapaq pachakunata.
Sumaq teñisqa hinaspa sumaq bordasqa iskay pachakunatachá quchkanku,qichuqkuna wallqakunankupaqchá quchkanku’, nispa.
31 ¡Jehova Dioslláy! Chaynatayá chiqnisuqnikikunaqa wañuchunku,+kuyasuqnikikunayá ichaqa kancharispa inti qispimuq hinaraq kachunku”, nispa.
Chaymantam 40 wata hawka kawsakurqaku.+
Willakuykuna
^ Utaq: “Tocasaq”.
^ Ichapas kanman: “Chullururqa”, niqpas.
^ Ichapas kanman: “Soldadokunapa sutinkunata qillqaqkuna utaq yupaqkunapas”, niqpas.
^ Utaq: “Tiyaq”.
^ Utaq: “Lluqi”.
^ Utaq: “Paña”.
^ Utaq: “Rejillanta”.
