Mateo 4:1-25
4 Chaymantam Diosqa atiyninwan Jesusta chunniqman pusarurqa diablo+ tentananpaq.+
2 40 punchaw 40 tuta ayunaruptinmi Jesustaqa yarqarurqa.
3 Chaymi diabloqa+ asuykuspan nirqa: “Diospa churin kaspaykiqa kay rumikunatayá niy tantayarunanpaq”, nispa.
4 Jesusmi ichaqa nirqa: “Qillqasqam kachkan: ‘Runaqa manam tantallawanchu kawsanan, aswanqa Jehova* Diospa lliw rimasqankunawanmi’”, nispa.+
5 Chaymantam diabloqa Jesusta Jerusalenman* pusarurqa,+ hinaspam Diospa wasinpa* hawan pirqapi sayaykachispan+
6 nirqa: “Diospa churin kaspaykiqa kaymantayá ukuman pawaykuy, qillqasqam kachkan: ‘Angelninkunatam kamachimunqa makinkupi apasunaykipaq, chaynapi chakikita rumiman mana takakunaykipaq’”, nispa.+
7 Jesusñataqmi nirqa: “Qillqasqataqmi kachkan: ‘Amam Jehova* Diosnikitaqa pruebamanqa churankichu’ niq”, nispa.+
8 Chaymantam diabloqa alto-alto urquman pusarurqa, hinaspam kay pachapi gobiernokunata hinaspa sumaq kayninkunata qawachirqa,+
9 hinaspanmi nirqa: “Qunqurakuykuspa huk kutillatapas yupaychawaptikiqa tukuy kaykunatam qusqayki”, nispa.
10 Hinaptinmi Jesus nirqa: “¡Pasaway kaymanta satanas! Qillqasqam kachkan: ‘Jehova* Diosllaykitam yupaychanaykiqa,+ payllatataqmi servinaykipas’ niq”,+ nispa.
11 Chaymi diabloqa pasakurqa,+ hinaptinmi angelkuna hamuruspanku Jesusta yanaparqaku.+
12 Chaymantañataqmi Juan+ presochasqa kasqanta uyariruspan Jesusqa Galileaman rirqa.+
13 Chaymantam Nazaret llaqtamanta pasakuspan lamar quchapa patan Capernaum+ llaqtapi yacharqa*, Capernaumqa karqa Zabulon hinaspa Neftaliy distritokunapim,
14 chaynaqa karqa Diosmanta willakuq* Isaiaspa rimasqan cumplikunanpaqmi, paymi nirqa:
15 “Jordan mayupa waklawninpi, lamar quchaman rina ñanpi Zabulonpa hinaspa Neftaliypa allpan, huklaw nacionniyuqkunapa yachasqan Galilea.
16 Tutayaypi kaq runakunam hatun achkita rikurunku, wañuypa llantusqanpi kaqkunamanmi achki rikuriykun”, nispa.+
17 Chaymantapacham Jesusqa willakuyta qallaykurqa: “Diospa gobiernon* hichparamusqanraykuyá huchaykichikmanta wanakuychik”, nispan.+
18 Jesusmi Galilea quchapa patanta richkaspan rikururqa iskay runakunata: Pedrowan+ sutichasqa Simonta hinaspa wawqin Andresta,+ paykunam challwa hapiq kasqankurayku mallankuta lamar quchaman wischuchkarqaku.
19 Hinaptinmi Jesusqa paykunata nirqa: “Qatiwaychikyá, runakunataña challwanaykichikpaqmi yachachisqaykichik”, nispa.+
20 Hinaptinmi challwa hapinanku mallankuta saqiruspanku qatirqaku.+
21 Chaymanta richkaspantaqmi rikururqa Zebedeopa churin Santiagotapas chaynataq wawqin Juantapas.+ Paykunam botenkupi challwananku mallata sirachkarqaku taytan Zebedeowan kuska. Paykunatapas Jesusqa qayarqam.+
22 Chaymi paykunaqa botetawan taytankuta saqispa Jesusta qatirqaku.
23 Jesusqa tukuy Galilea+ lawpim purirqa huñunakuna wasikunapi*+ yachachistin, Diospa gobiernonmanta sumaq willakuyta willakustin hinaspa llaqtapi ima nanayniyuqkunatapas chaynataq imawan unquqkunatapas sanoyachistin.+
24 Hinaptinmi Siriapi paymanta lliw uyariruspanku Jesusman pusamurqaku imawanpas unquqkunata, nanaywan kaqkunata,+ demoniopa ñakarichisqankunata,+ wañuy mañayuqkunata*+ chaynataq suchukunatapas, hinaptinmi Jesusqa sanoyachirqa.
25 Chaymi achkallaña runakuna qatirqaku: Galileamanta, Decapolis llaqtakunamanta*, Jerusalenmanta, Judeamanta hinaspa Jordan mayupa waklawninmanta.
Willakuykuna
^ Qaway A5 kaq yachachikuyta.
^ Griego rimaypiqa nichkan: “Chuya llaqtaman”, nispam.
^ Utaq: “Templopa”.
^ Qaway A5 kaq yachachikuyta.
^ Qaway A5 kaq yachachikuyta.
^ Utaq: “Tiyarqa”.
^ Utaq: “Profeta”.
^ Qaway “Diospa gobiernon” niqpa ima ninan kasqanta.
^ Utaq: “Sinagogakunapi”. Qaway kay palabrapa ima ninan kasqanta.
^ Utaq: “Wañuy unquyniyuqkunata”.
^ Utaq: “Chunka llaqtakunapa kasqanmanta”.
