Proverbios 26:1-28
-
Qilla runa imayna kasqanmanta (13-16)
-
Hukkunapa liryanakusqanman mana chapukunamanta (17)
-
Mana allinpi kananpaq hukkunata mana pantachinamanta (18, 19)
-
‘Yanta mana kaptinqa ninapas wañurunmi’ (20, 21)
-
“Runamasinta yanqamanta tumpaq runapa rimasqanqa chaylla millpurunapaq miskillaña mikuy hinam” (22)
26 Lastaqa manam chiraw ukuqa chayamunmanchu, paraqa manam cosecha tiempoqa chayamunmanchu,chaynam ruqru uma runapas hatunchasqaqa mana kanmanchu.+
2 Imaynam pichinkuchapas chaynataq wayanakuypas mana yanqapas-yanqachu pawarin,chaynam ima ñakariypas mana yanqapas-yanqaqa chayamunmanchu*.
3 Latigoqa caballopaqmi, hakimaqa asnopaqmi,+azoteñataqmi mana yuyayniyuq runakunapaq.+
4 Amayá mana yuyayniyuq runataqa kutipakuychu ruqru uma runa hinaqa,manachayqa qampas pay hinañam rikuriruwaq.
5 Mana yuyaywan rimasqanman hinayá ruqru uma runataqa imatapas niy,chaynapi yachayniyuq kasqanta ama piensananpaq.+
6 Imaynam chakinta kuchukuruspan hurqukuruq runaqa kikillan mana allinta ruwakun,chaynam ima ruwaytapas ruqru uma runapa makinpi saqiykuq runaqa.
7 Imaynam suchu runapas yaku apaytaqa mana atinmanchu,chaynam mana yuyayniyuq runapas yachaywan rimaytaqa mana atinmanchu.+
8 Imaynam warakapi rumi watasqapas yanqapaq,chaynam mana yuyayniyuq runata hatunchaypas yanqapaq.+
9 Imaynam machasqa runapa hapisqan kichkapas mana allinchu,chaynam mana yuyayniyuq runapa siminpi ima yachachikuypas mana allinchu.
10 Pitañapas flechachkaq runa hinammana yuyayniyuq runata utaq ñan purikuq runata llamkapunanpaq contrataq runaqa.
11 Imaynam allqupas aqturusqanta* kaqmanta mikun,chaynam ruqru uma runapas mana allin ruwasqanta kaqmanta ruwan.+
12 ¿Rikurqankichu sumaqta mana tantiarispan chaylla rimaq runata?+
Ruqru uma runaraqmi allin kanqa chayna runamantaqa.
13 Qilla runaqa ninmi: “Ñanpiqa leonmi kachkan,plazapiqa leonmi kachkan”, nispa.+
14 Imaynam punkupas bisagrayuq kaspa muyun,chaynam qilla runapas camanpi quchpan.+
15 Qilla runaqa matiman makinta haywarispanpaspisipasqa kaspanmi mikuyta qillakun.+
16 Qilla runaqa yachaysapapaqmi hapikunallinta rimariq yachayniyuq qanchis runakunamantapas.
17 Allquta rinrinmanta hapichkaq hinamliryanakuq runakunata qawaspan piñakuq runaqa*.+
18 Imaynam ruqru uma runapas linwachkaq ninayuq taksa flechata kacharin utaq wañuchiq hatun flechakunata kacharin,
19 chaynam runamasin mana allinpi kananpaq pantachispan “asispallaymi ruwarqani” niq runaqa.+
20 Imaynam yanta mana kaptinqa ninapas wañurun,chaynam runamasinta yanqamanta tumpaq runa mana kaptinqa piñanakuypas tukurun.+
21 Ninaman sansata utaq yantata yapachkaq hinampiñanakuyllapi puriq runapas piñanakuyta astawan rikurichin.+
22 Runamasinta yanqamanta tumpaq runapa rimasqanqachaylla millpurunapaq miskillaña mikuy hinam.+
23 Paki kallanata qullqiwan llusiy hinammana allin sunquyuq runapa miskillaña rimayninqa.+
24 Runamasinta chiqniq runaqa hawa sunqulla imatapas rimaspanmi mana musyachikunchu,sunqunpim ichaqa pantachikuyllaña kachkan.
25 Sumaqllataña rimaptinpas amayá paytaqa kasuychu,paypa sunqunpiqa qanchis mana allinkunam kachkan*.
26 Pantachikuqllaña kaspan chiqnikuq kayninta pakaruptinpasrunakunapa qayllanpim yachakunqa.
27 Tuqllapaq uchkuta uchkuq runaqa kikillanmi chayman wichiykunqa,rumita kuchpaq runapas kikillanmi chay rumipa ñitisqan kanqa.+
28 Llulla runaqa llullakuspa ñakarichisqan runatam chiqnin,runamasinta alabaqtukuqpas runamasintam mana allinman churan.+
Willakuykuna
^ Ichapas kanman: “Chaynam yanqamanta kaq ima ñakariypas mana cumplikunqachu”, niqpas.
^ Utaq: “Kutichisqanta”.
^ Utaq: “Runakunaman piñakuspanraq chapukuq runaqa”.
^ Utaq: “Paypa sunqunqa llumpa-llumpay mana allinmi kachkan”.
