Romanos 4:1-25
4 Chayna kaptinqa, ¿imatam chaskirqa ñawpaq taytanchik Abrahanqa?
2 Sichu ruwasqankunarayku Abrahan mana huchayuqña Diospaq kaptinqa alabakuytachá atinman karqa, ichaqa manachá alabakunmanchu Diospa qayllanpiqa.
3 ¿Imanasqa? Diospa qillqanmi nin: “Abrahanqa Jehova* Diospi hapipakusqanraykum Diospaqqa mana huchayuq hinaña karqa”, nispa.+
4 Llamkaq runaqa llamkasqanraykum pagontaqa chaskin, manam patronnin allin sunquyuq kasqanraykuchu.
5 Chayna kaptinpas ruwasqankunapi mana hapipakuq runatam Diosqa allin ruwaqpaq hapin paypi iñisqanrayku, huchasapa kaptinpas mana huchayuqpaqmi payqa hapin.+
6 Runapa ruwasqankuna Diospa kamachikuyninman hina mana kaptinpas Diosqa allin ruwaqpaqmi chaskin, hinaptinmi chay runaqa anchata kusikun. Davidpas chaymanta rimaspanmi nirqa:
7 “Mayna kusisqam mana allin ruwasqankumanta pampachasqa runakunaqa chaynataq huchankumantapas pampachasqa runakunaqa.
8 Mayna kusisqam mana huchayuqta hinaña Jehova* Diospa chaskisqan runaqa”, nispa.+
9 Hinaptinqa, ¿chayna kusikuyqa qari kayninpi señalasqa runakunallapaqchu, icha mana señalasqa runakunapaqwanchu?+ Ñuqanchikmi ninchik: “Diospi iñisqanraykum Abrahanqa Diospaqqa mana huchayuq hinaña karqa”, nispa.+
10 ¿Haykapitaq Diospaqqa mana huchayuqña karqa? ¿Qari kayninpi señalasqa kaspanñachu, icha manaraq señalasqa kachkaspanraqchu? Payqa manaraq señalasqa kachkaspanmi Diospaqqa mana huchayuqña karqa.
11 Diosqa kamachirqa qari kayninpi señalasqa kananpaqmi,+ chaywanmi* Diosqa qawachirqa manaraq señalasqa kachkaspanpas paypi hapipakusqanrayku allin ruwaq kasqanta. Chaynapim Abrahanqa manaraq señalasqa kachkaspanpas Diospi llapallan iñiyniyuq kaqkunapa taytanku+ hina rikurirurqa, chaymi Diosqa paykunata mana huchayuqpaqña chaskin,
12 chaynallataqmi señalasqa kaqkunapapas taytanku hina rikurirurqa, chaynaqa karqa manam aychankupi señalachikuq runakunallapaqchu, aswanqa ñawpaq taytanchik Abrahanta qatipakuspa Diospi hapipakuq runakunapaqwanmi, Abrahanqa+ manaraq señalasqa kachkaspanraqmi Diospi anchata hapipakurqa.
13 Abrahanmanqa utaq mirayninmanqa manam kamachikuykunata qusparaqchu Diosqa kay allpa pacha paypaq kananmantaqa* willarqa,+ aswanqa Diospi iñisqanrayku allin ruwaq kasqanpaq Dios chaskiykuptinmi.+
14 Sichu Moisespa chaskisqan kamachikuyta kasukuqkunalla Diospa nisqanta chaskiptinkuqa yanqapaqñachiki Diospi iñiyqa* kanman, chayna kaptinqa Diospa nisqan willakuyqa manañachiki kanmanchu.
15 Chiqaptapunim Moisespa chaskisqan kamachikuykunaqa Diospa piñakuyninta apamun,+ kamachikuykuna mana kaptinmi ichaqa pipas mana huchallikunchu.+
16 Diospi hapipakusqanraykum Abrahanmanqa chay promesamanta Dios willarqa, chaywanmi qawakurqa Diospa ancha kuyakuynin*.+ Hinaptinmi chay willakuyqa Abrahanpa mirayninkunapi cumplikunqa,+ ichaqa manam Moisespa chaskisqan kamachikuykunata kasukuqkunallapichu, aswanqa Abrahan hina Diospi ancha hapipakuq kaqkunapiwanmi, payqa llapallanchikpa taytanchikmi.+
17 Chaynapuni kasqanmantam ñawpa qillqakunapi nin: “Qampa miraynikikunamantam achka nacionkuna kanqa”, nispa.+ Tukuy chaykunaqa karqa Diospa qayllanpim. Abrahanqa Diospim anchata hapipakurqa, Diosqa wañuqkunata kawsarichiqmi hinaspa imapas manaraq kaqkunamanta yaqa kachkanmanñapas hina willakuqmi*.
18 Abrahanqa manam iskayrayarqachu achka nacionkunapa taytan hina kananmantaqa, hinaspam chaytaqa suyarqa chayna kananpaq hina mana rikchakuptinpas. Payqa manam iskayrayarqachu “chayna mana yupay atinam miraynikikunapas kanqa” nispa Dios nisqanrayku.+
19 Abrahanqa Diospa nisqanmanta mana iskayrayaspanpas yacharqam cuerponpi wañusqa hinaña kasqanta yaqa 100 watayuqña kasqanrayku,+ yacharqataqmi warmin Sarapas manaña wawayuq kay atinanta.+
20 Ichaqa Diospi anchata hapipakusqanraykum Abrahanqa Diospa nisqankunamantaqa mana iskayrayarqachu, aswanqa Diospi hapipakusqanmi anchata kallpancharqa, chayta ruwaspanmi Diosta hatuncharqa,
21 hinaspapas nisqanman hina Dios ruwananmantaqa manam imaniraqllatapas iskayrayarqachu.+
22 Chayraykum Abrahanqa “Diospaqqa mana huchayuq hinaña karqa”.+
23 Ichaqa “mana huchayuq hinaña karqa” nisqanqa manam payraykullachu qillqasqa karqa,+
24 aswanqa ñuqanchikpaqwanmi. Ñuqanchikqa Diospaqmi mana huchayuq hinaña kasunchik wañusqakunapa kasqanmanta señorninchik Jesusta kawsarichiq Diospi hapipakusqanchikrayku.+
25 Jesusqa huchanchikraykum wañuchisqa karqa,+ hinaspam kawsarichisqa karqa Diospaq mana huchayuqña kananchikpaq.+
Willakuykuna
^ Qaway A5 kaq yachachikuyta.
^ Qaway A5 kaq yachachikuyta.
^ Griego rimaypiqa nichkan: “Chay sellowanmi”, nispam.
^ Utaq: “Kay pachapi sumaq kawsakuy kananmantaqa”.
^ Kaypiqa rimachkan runakuna salvasqa kanankupaq Jesusta Dios kachamusqanmanta mana iskayrayanamantam.
^ Kaypiqa rimachkan mana kuyana kachkaspa kuyasqa kaymantam.
^ Ichapas kanman: “Imapas manaraq kachkaptin rikurichiqmi”, niqpas.
