¿Ima allin regalotam warmaykiman qowaq? Paykunam necesitanku kuyanaykita, rimapayanaykita hinaspa imapipas yanapanaykita. Ichaqa Jehova Diosmanta yachachiynikim imamantapas aswan ancha allin regaloqa, chayqa Bibliapim tarikun (Juan 17:3). Chaynapim warmaykikunaqa uchuychanmanta Jehova Diosta kuyaspa tukuy sonqonkuwan servinqaku (Mateo 21:16).

Yachachikuykuna pisi rimayllapi hinaspa imapas ruwanapaq kaptinmi warmachakunaqa astawan yachayta munanku. Chaymi ancha kusikuywan Bibliamanta yachanaypaq niq qellqata horqomurqaniku. Sapa yachachikuymi ruwasqa kachkan mana sasachakuspalla entiendenanpaq. Dibujokunawan leenapaq kaqkunaqa kimsa watankama warmachakunapaq ruwasqam kachkan. Kachkantaqmi warmachaykiwan kuska ruwanaykipaqpas. Kay qellqaqa manam pukllanapaqchu. Aswanmi warmachaykiwan kuska leenaykichikpaq, chaynapi allinta parlarinaykichikpaq.

Kay qellqaqa anchatamá yanapasunkichik uchuychanmanta warmaykichikta Diosmanta yachachinaykichikpaq (2 Timoteo 3:14, 15).

Iñiqmasikichikkuna,

Jehova Diospa Llaqtanpi Punta Apaqkuna