Watakunapa risqanman hinam Noeypa churinkunaqa achka churi-wawayuq karqaku, hinaspam tukuy hinastinman chiqirurqaku Jehova Diospa kamachisqanman hina miraruspanku.

Wakin runakunam ichaqa Jehova Diosta mana kasukuspanku nirqaku: “Hatarichisunchikyá llaqtata, pirqasuntaqyá hanaq pachakama haypaq hatu-hatun torretapas, chaynapi ancha riqsisqa kananchikpaq”, nispanku.

Chay ruwasqankuqa manam Diospa munasqanman hinachu karqa, chaymi ruwasqankuta saqinankupaq runakunata huk rimaykunapi rimarachirqa. Chayraykum llaqtapa sutinqa karqa Babel, chay ninanqa “pantachiy” ninanmi. Rimayninku mana chaynalla kasqanraykum llaqta hatarichisqankuta saqirurqaku, hinaspankum sapakama huklawkunaman ripukurqaku, mana allin ruwayninkutam ichaqa mana saqirqakuchu. Chaywanpas, ¿kanmanchu karqa Jehova Diosta kuyaq runa? Qatiqninpim chaymanta yachasun.