Satanasmi tentawanchik mana allinkunata ruwanapaq. Dioswan kuyachikunapaqqa, paypa chiqnisqantam chiqninanchik (Salmo 97:10). Kaykunatam Dioswan kuyachikuqkunaqa mana ruwanankuchu:

Huchapakuyta. “Amam hukwanqa pierdekunkichu” (Exodo 20:14). Warmi-qari manaraq casarakuspa puñuyninkupas manam allinchu (1 Corintios 6:18).

Sinkakuyta. “Diospa munaychakusqanmanqa manam yaykunqachu [...] sinkakuqkunapas” (1 Corintios 6:9, 10).

Wañuchiytawan wawa sulluyta. “Amam pitapas wañuchinkichu” (Exodo 20:13).

Suwakuyta. “Amam suwakunkichu” (Exodo 20:15).

Llullakuyta. Jehova Diosqa chiqninmi “llulla rimaq runata” (Proverbios 6:17).

 Maqanakuytawan sinchi piñakuyta. Jehova Diosqa chiqninmi ‘daño ruwaqkunatapas’ (Salmo 11:5). ‘Piñanakuyllapi puriypas’ aychapa munayninmi (Galatas 5:19, 20).

Qullqipaq pukllayta. ‘Qullqilla kuyaqkunawanqa [...] ama hukllawakuychikchu’ (1 Corintios 5:11).

Huk castamanta runakuna chiqniyta. “Kuyaychik enemigoykichikkunata, mañapuychiktaq ñakarichisuqnikichikkunapaqpas” (Mateo 5:43, 44).

Allinninchikpaqmi Diosninchikqa imatapas niwanchik. Sasaniraqmi mana allinkunata saqiyqa, ichaqa Jehova Diospa hinaspa testigonkunapa yanapakuyninwanqa, atiwaqmi mana allinkuna saqiytaqa (Isaias 48:17; Filipenses 4:13; Hebreos 10:24, 25).