KAYPI piensariy, chayraq cuentata qukuruwaq qamta chaynataq Aylluykita vecinoyki qawasusqaykichikta. Rimaykuptikiñataq chaskikususpayki payman asuykunaykipaq qayasuspayki tapusunkiman: “¿Imanasqataq qamkunaqa mana wakin runakuna hinachu kankichik?”, nispa. Qamñataq niwaq: “¿Imanasqataq chaynataqa niwanki?”, nispa. Payñataq nisunkiman: “Qamkunaqa Jehova Diospa testigonmi kankichik, ¿aw? Qawaykichikmi huk religionkunapi kaqkunamantaqa, mana paykuna hina kasqaykichikta, manam costumbreman hina fiestakunataqa ruwankichikchu, manataqmi autoridad kay munaqkunamanqa sayapakunkichikchu, guerramanpas rinkichikchu nitaq cigarrotapas pitankichikchu. Aylluykitapas respetakuq kasqantam qawani, ¿imanasqataq chayna kankichik?”, nispa.

Diospa kamachiwasqanchikman hina kawsasqanchikraykum. Chayna kawsanapaqmi kamachiwaqninchik Jesucristoqa sapa kutilla yanapawanchik payta qatipakuspa Diospa kamachisqanman hina kawsakunapaq. Qatiqnin yachachikuykunapim yachasunchik Diospa llaqtanta kawsayninkupi, yupaychayninkupi chaynataq imayna organizasqa kayninkupi Jesucristo imayna chuyanchasqanmanta, tukuy chaykunaqa Jehova Dios hatunchasqa kananpaqmi.