Fracciones sanguíneas nisqamanta. Kayqa yawarpa tawa partenkunamanta rakikusqan partechakunam. Kay partechakunataqa horqonkum: yawarta pukayachiq celulamanta (glóbulos rojos), onqoykunamanta defiendewaqninchik celulamanta (glóbulos blancos), heridakuruptinchik yawarta sayachiq celulamanta (plaquetas) hinaspa sueroman rikchakuq yawarpi yakumantapas (plasma). Yawarta pukayachiq celulamantam horqonku hemoglobina nisqa proteinata. Hemoglobina nisqataqa animalmanta otaq runamanta horqospankum hampikunata ruranku, anemia nisqan onqoyta hampinapaq hinaspa hemorragia nisqata hampinapaqpas.

Plasma nisqamantapas horqonkum fracciones sanguíneas nisqakunataqa. Plasma nisqapim kaykuna kachkan: yaku (90%), hormonas, sales orgánicas, enzimas, minerales hinaspa azúcares nisqankuna. Kachkantaqmi albúmina nisqa proteína, heridakuruptinchik yawarta sayachiq hinaspa onqoykunamanta defiendewaqninchik kaqkunapas. Chaymi runakuna onqoptinku, sanoyanankupaq gammaglobulina nisqawan doctorkuna vacunanku, chaytaqa horqonku onqoykunamanta vacunasqa runakunapa yawarninpi plasma nisqamantam. Chaymantapas, onqoykunamanta defiendewaqninchik celulamantam horqonku interferones hinaspa enterleuquinas nisqakunata, chaykunam wakin onqoykunapaq hinaspa cancer onqoypaqpas hampikuna.

 Cristianokunaqa, ¿servichikunmankuchu hampichikunankupaq fracciones sanguíneas nisqata? Bibliaqa manam willawanchikchu imayna hampichikunanchikmantaqa, chaymi sapakama tanteananchik conciencianchikpa nisqanman hina. Wakin cristianoqa fracciones sanguíneas nisqataqa manam chaskinkuchu, Israel casta runakunaman animalpa yawarninta ‘pampaman tallinankupaq’ Diospa kamachisqanpi piensaspanku (Deuteronomio 12:22-24). Wakinñataqmi, yawarta hinaspa tawapi rakinasqa partenkunata mana chaskispankupas, fracciones sanguíneas nisqawanqa hampichikunku, chaynataqa tanteanku fracciones sanguíneas nisqapi manaña vida kasqanta piensaspankum.

Manaraq imatapas tanteachkaspam kaynata tapukunanchik: “Fracciones sanguíneas nisqawan mana hampichikuspayqa, ¿entiendenichu chaykunamanta hampikunawan wakin onqoykuna hapisqankuta mana chaskiy munasqayta, chaynataq llumpayta yawar sutuptin sayachinanpaq hampikuna mana chaskiy munasqantapas? ¿Doctorman entiendechiyta atiymanchu imanasqam fracciones sanguíneas nisqamanta wakiqnin hampikuna chaskisqaymanta, wakintañataq mana chaskisqanmantapas?”.

Operaspanku doctorkunapa rurasqankumanta. Doctorkunaqa hemodilución hinaspa recuperación de sangre nisqa tratamientotam operaspanku ruranku. Hemodilución nisqanwanqa runapa wakin yawarnintam cuerpomanta llañu manguerachantakama bolsaman pasachinku, chaykamañataqmi expansor de plasma nisqata churanku, hinaspam yawartaqa cuerpoman kutiykachinku.  Recuperación de sangre nisqawanñataqmi operaptinku lloqsiq yawarta manguerachawan soqochinku, hinaspam chuyanchaspanku cuerpoman kutiykachinku. Chaynataqa manamá lliw doctorkunachu ruranku, chaymi cristianoqa doctorninta tapunan imayna operananmanta.

Operachikunapaq doctorkunapa rurasqankumanta tanteaspaqa, tapukunanchikmi: “Hemodilución nisqata rurawaptinkuqa, ¿imaynataq concienciay tarikunqa, hinaspa kasukuchkaymanchu yawarta ‘pampaman tallinkichik’ nispa Dios kamachisqanta?” (Deuteronomio 12:23, 24.) Tapukunanchiktaqmi: “Operachikuptiy, wakin yawarniyta aparatoman pasachispanku, hampiwan hukllawaruspa cuerpoyman kutiykachimuptinkuqa, ¿concienciay hawkachu tarikunman? Chaymantapas Doctorkuna aperaspanku yawarwan rurasqankuta mana chaskispayqa,  ¿cuentatachu qokuchkani análisis de sangre, hemodiálisis nisqata hinaspa bomba de circulación extracorpórea nisqantapas mana munasqayta?”.

Cristianoqa kikinmantam tanteanan operachikuptin yawarninwan ima rurananmanta, analisis ruranankumanta chaynataq wakin yawarta aparatontakama pasachispanku hampikunawan hukllawaruspa cuerponman kutiykachimunanmantapas.