Bibliapim niwanchik wara-waranqantin espiritukuna kasqanmanta. Jehova Diospas espiritum (Juan 4:24; 2 Corintios 3:17, 18).

Qallariypiqa Jehova Diosllam karqa, manam ni imapas karqachu. Chaymantam espiritukunata Dios unanchayta qallaykurqa, paykunaqa kanku angelkunam. Angelkunaqa runakunamantaqa aswan atiyniyuqmi hinaspa yachayniyuqmi. Jehova Diosqa nana-nanaq angelkunatam unancharqa. Diospa serviqnin Danielpas musquypi hinam qawarqa wara-waranqantin angelkunata (Daniel 7:10; Hebreos 1:7).

Diosqa angelkunataqa unancharqa manaraq kay allpa pachata unanchachkaspam (Job 38:4-7). Paykunamanta huknillanpas manam kay allpa pachapiqa kawsarqachu, manataqmi kay allpa pachapi wañuspa hanaq pachaman riqkunachu kanku.