QARANPI KAQ YACHACHIKUY | ¿IMAYNATAM ASWAN ALLINTA KAWSAKUWAQ?
2 KAQ: Imayna kawsasqaykita qawarikuy
-
Ichapas tantearurqanki ima mikuytapas manaña mikunaykipaq, ichaqa rikurusqaykiraykum mikuyta munanki.
-
Ichapas tantearurqanki manaña cigarrota pitanaykipaq, ichaqa amistadnikim chayta yachaykuspan aswanraq munachisunki.
-
Ichapas tantearurqanki kallpaq lluqsinaykipaq, ichaqa kallpaq lluqsinaykipaq pachaykita maskanaykiraq kasqanta yachasqaykim qillaparachisunki.
¿Musyarqankichu imaynanpi tanteakusqaykita ruwanaykipaq sasachakusqaykita? Yaqapaschá, ¿aw? Imayna kawsakusqanchikmi hinaspa pikunawan kasqanchikmi yanapawasun utaq sasachawasunpas ima ruway munasqanchikta ruwanapaqqa.
BIBLIAPA YACHACHISQAN: ‘Tanteoyuq runaqa [sasachakuy] sucedenanta qawarispanmi asurikun. Pisi experienciayuq runañataqmi chayninta pasaykuspan ñakarin’ (Proverbios 22:3).
Bibliam niwanchik yachaywan imatapas allinta tanteanapaq. Chayna runa kaspaqa manam saqisunchu imapas ruway munasqanchikkunata imapas yanqachanantaqa, aswanqa tanteakusqanchikta ruwanapaqmi tukuyta ruwasun (2 Timoteo 2:22). Chaymi ancha allin imayna kawsakusqanchikta hinaspa pikunawan kasqanchikta qawarikuyninchikqa.
Ancha allinmi imayna kawsakusqanchikta hinaspa pikunawan kasqanchikta qawarikuyninchikqa
KAYTA RUWAY
-
Sichum tanteakurunki mana allin mikuykunata manaña mikunaykipaq hinaspaqa ama rantiychu chayna mikuykunataqa, chaynapi yarqarusuptiki chayna mikuyta mana mikunaykipaq.
-
Sichum munanki tutapaylla kallpaq lluqsiyta hinaspaqa puntamantaraqmi kallpaq lluqsinaykipaq pachaykita alistanaykiña. Chayta ruwaspaqa manam qillapakunkichu kallpaq lluqsinaykipaqqa.
-
Amistadnikikunata allinta akllay. ¿Imanasqa? Amistadninchikkuna imayna kasqankuman hinam kanchik (1 Corintios 15:33). Chayraykum tanteakusqaykita ruway yanapasuqniki amistadnikikunallawan astawanqa hukllawakunayki. Mana yanapasuqniki kaqkunawan ama anchaqa hukllawakuychu.
