¿Yuyachkankichu?

¿Leerqankichu qayninpakunalla chaskisqayki Llaqta Cuidaq revistakunata? Hinaspaqa, yaqapaschá kay tapukuykunata kutichiwaq:

• ¿Imaynatam Bibliata entiendewaq?

Jehová Diosta mañakuy chuya espiritunwan yanapasuptiki entiendenaykipaq hinaspa Bibliata leey runakunapa nisqanta mana kasuspa, chaynapi qellqachiq Diospa nisqanmanta astawan yachanaykipaq. Chaynataq, chaskiy Bibliamanta yachaq cristianopa yanapakuynintapas (1/10, pág. 4-7).

• ¿Imatam yachanchik lamar qochapi mana qeqeparunanpaq Pedrota Jesus salvasqanmanta? (Mat. 14:28-31.)

Mayqan iñiqmasinchikpas iñiyninpi yanapanata necesitaptinqa, kuyakuywanyá yanapaykusun iñiyninpi allin kananpaq (15/9, pág. 8).

• ¿Imakunatam Jehová Dios aguantarqa librawananchikpaq?

Jesusta burlakuptinku hinaspa ñakarichiptinkum aguantarqa. Imaynam Abrahampas churin Isaacta wañuchiyta munarqa, chaynam Diospas saqerqa Churinta mana allin runata hina wañuchinankuta (15/9, pág. 28-29).

• ¿Imanasqataq sapa punchaw Diosta uyarinanchik?

Biblia leeyqa espejopi qawakuymanmi rikchakun (Santiago 1:23-25). Yachachikuyninmi qawachiwanchik cheqaptapuni imayna kasqanchikta. Hayka kutitapas Bibliataqa leechwanmi, chaywanpas hinallam tarisunchik mosoq yachaykunataqa. ¿Imanasqa uyarinanchik? Kay Pachapi tukuy imapa cambiasqanwan, imayna tarikusqanchik cambiasqanrayku (1/10, pág. 13-14).

• ¿Imatam yachachiwanchik Proverbios 24:27 nisqanpi ‘wasi [ruraymanta]’ rimasqan?

Qariqa manaraq casarakuchkaspanmi preparasqa kanan casado kaspan ima ruranankunata cumplinanpaq. Ejemplopaq, familianta mantienenanpaq hinaspa Bibliamanta yachachinanpaqpas (15/10, pág. 12).

• ¿Imatam tayta-mamakuna ruranmanku Familiankuwan Diosta Yupaychanankupaq?

Akllay ima punchawpi hinaspa ima horapi Familiaykiwan Diosta Yupaychanaykipaq hinaspa cumpliypuni. Chaymantapas, akllawaqmi imapas pasaruptin chay semanallapi huk punchawpiña estudianaykichikpaq (15/10, pág. 29).

• ¿Umankuta tapakunankuchu huñunakuykunapi señas rimayman tikraq cristianakuna?

Aparatokunata servichikusqankuraykum señasman tikraq cristianata huñunakuqkunaqa hatun televisionpi astawan qawanku, discurso qoqtañataqmi wakinpiqa mana rikunkuchu. Chaymi, allin kanman cristianakunapa umanku tapakuyninkuqa, chaynatam qawachinqaku tikraqlla kasqankuta (15/11, pág. 12-13).

• ¿Imanasqataq ninchik Jehová Dios hinaspa Jesuspas respetakuq kaypi ejemplo kasqankuta?

Llapallan Kamachiq kaspanpas Jehová Diosqa kuyakuywan hinaspa respetowanmi runakunata qawan. Ejemplopaq, Abramta hinaspa Moisesta rimapayaspanmi “ama hina kaspa” nirqa (Gen. 13:14, NM; Exo. 4:6, NM). Chaymantapas runakunatam uyarin (Gen. 18:23-32). Jesuspas runakunatam kusikuywan yanaparqa. Paykunataqa sutinmantam qayarqa (15/11, pág. 25).

• ¿Imaynatam iñiqmasinchikkunata astawan kuyachwan?

Huñunakusqanchik Salonpi yuyaq hinaspa mozo-sipas iñiqmasinchkkunata saludaspa kallpanchakusun aswanqa unay tiempoña mana tupasqanchik otaq rimasqanchikwan imallatapas rimanapaq. Asambleapipas iñiqmasinchikkunaman asuykusun hinaspa sutinchikta willasun (15/11, pág. 20-24).