¿Yuyachkankichu?

¿Leerqankichu qaynakunalla chaskisqayki Llaqta Cuidaq revistakunata? Hinaspaqa yaqapaschá kay tapukuykunata kutichiwaq:

• ¿Imanasqataq Mesiasqa wañunan karqa?

Puntataqa, wañuspanmi qawachirqa mana pantaq runa maynataña ñakarispanpas Jehová Dios kasukuy atisqanta. Chaynataq Adanpa saqewasqanchik huchamanta librawananchikpaq, chaynapi wiñaypaq kawsakuy suyakuyta qowananchikpaqpas (w09 15/12, 22-23 paginakunapi).

• ¿Imakunatam rurana churi-wawakunawan rimasqanchik allinpuni kananpaq?

Manam paykunawan rimayllachu-rimana. Aswanqa tapunanchikmi hinaspa niwasqanchikta pacienciawan uyarina. Achka tayta-mamakunam cuentata qokunku mikusqanku hora rimanankupaq allin kasqanta (w10 15/01, 18-19 paginakunapi).

• ¿Haykapim pipas kaqllamanta bautizakunanpaq piensanman?

Kaqllamanta bautizakuytaqa piensanmanmi bautizakusqan tiempopi mana pipa yachasqallanta hatun huchata ruraspan, chayna hucha ruraqqa congregacionmantam qarqosqa kanman (w10 15/02, 22 paginapi).

• Trigomantawan mana allin qoramanta rikchanachiypi, ¿imawanmi tupan allin muhu tarpuyqa?

Diosmanta hamuq runam otaq Señorninchik Jesucristom kay Pachapi predicaspan allpata prepararqa. Hinaspanmi Pentecostes 33 watapi allin muhuta otaq Jehová ‘Diospa munaychakusqanpa churinkunata’ tarpuyta qallaykurqa hanaq pachaman riqkunata akllayta qallaykuspan (w10 15/03, 20 paginapi).

• Jesuspa rikchanachisqanpi, ¿imaynatam taqepi huñusqa kanku trigowan tupachisqa cristianokuna? (Mat. 13:30.)

Kay tukupay tiempopim trigowan tupachisqa cristianokunaqa taqepi churasqa kanankupaq huñusqa karqaku. ¿Imaynatam Jehová Diospa taqenman huñusqa kanku Diospa munaychakusqanpa churinkuna otaq hanaq pachaman riy suyaqkuna? Huñusqaqa kanku congregacionpi chaskisqa kaspankum otaq hanaq pachaman riy suyasqankuta chaskispankum (w10 15/03, 22 paginapi).

• ¿Pitaq griego rimaypi qellqasqa Diospa Palabranpi mayqen librokuna kananpaq tantearqa?

Manam huk runallachu nitaq religionpi kaq runakunachu tantearqaku. Chuya espiritupa yanapasqanman hinam cheqap cristianokuna cuentata qokurqaku mayqen qellqakuna Jehová Diospa yanapayninwan qellqasqa kasqanmanta. Kayqa tupanmi Bibliapa nisqanwan, apostolkunapa tiemponpim cristianokuna chuya espirituta chaskirqaku yanapayninwan admirakuypaq ‘cheqap [kaqta] reqsinankupaq’ (1 Cor. 12:4, 10; wp10 01/04, 28 paginapi).