¿Imatam warmaykikuna contestanmanku?

TAYTA-MAMAKUNA: 15 de enero 2010 watapim kay revista (16-20 paginakunapi) nirqa warmaykichikwan ensayanaykichikpaq. Kay yachachikuymi allin consejokunata qochkan chayta ruranaykichikpaq, chaynapi escuelapi sasachakuykunata vencenankupaq. Chaytaqa Familiawan Diosta Yupaychanapaq Tutapim ensayawaqchik.

JEHOVÁ DIOSPA testigon warmakunaqa achka sasachakuytam vencenanku. Estudiaqmasinkunam tapunku banderata imanasqa mana saludasqankumanta, himnota mana takisqankumanta, mana santokusqankumanta hinaspa huk fiestakuna mana rurasqankumanta. ¿Imatam paykuna contestanmanku?

Wakinkum kaynallata ninku: “Manam atiymanchu, religionniymi mana saqewanchu”, nispa. Diosta kasukunankupaq rurasqankuqa alabanapaqmi. Chaynata contestaptinkuqa manañapaschá hukmayachiqnin tapuykunataqa ruranqakuchu. Ichaqa, Bibliam niwanchik: ‘Tukuy tiempoyá listolla kaychik imam creesqaykichikmanta tapusuptikichik clarota contestanaykichikpaq’, nispa (1 Ped. 3:15). “Manam ruraymanchu” nispallachuqaya chaypaqqa ninanku. Manapaschá lliwchu ñoqanchikwan acuerdopi kanqaku, wakinkum ichaqa agradecekunqaku imanasqa mana rurasqanchikmanta explicaptinchik.

Imamantapas estudiaqmasinkuman explicananku kaptinpas, achka Testigo warmakunaqa Aprendamos del Gran Maestro hinaspa huk qellqanchikkunapa yachachikuyninkunatam servichikunku. Wakin estudiaqmasinkunaqa willasqankutam atencionwan uyarinku hinaspa Bibliatapas estudianku. Wakinkum ichaqa chaylla mana atiendenkuñachu. Chaymantapas sumaqta mana explicasqaqa Bibliamanta wakin willakuykunatam warmakunaqa sasata entiendenku. Ejemplopaq rimasun 11 watanpi Minhee sutiyoq warmachamanta. Escuelapi estudiaqmasin santonman invitaptinmi nirqa: “Santokunanchikpaqqa Bibliaqa manam kamachiwanchikchu. ¿Yacharqankichu chayna fiestapi Bautizaq Juanta wañuchisqankuta?”, nispa. Ichaqa, chayna contestasqantam warmamasin mana entienderqachu.

Libronchikkunapa nisqanwan dibujonkunapas ancha allinmi. Ichaqa wakin profesorkunam mana saqenchu chay qellqakunata estudiaqmasinkunaman qawachinankuta. ¿Atinmankuchu warmaykichik chaykunata mana servichikuspalla iñiyninku defiendeyta? ¿Imaynatam yanapawaqchik?

Ensayaychik

Allinmi wasipi ensayayqa. Tayta-mamakuna, estudiaqmasinkupa rantinpim churakuwaqchik. Qawaychik Bibliapa nisqanta imayna defiendesqankuta hinaspa alabaychik. Qawachiychiktaq imaynata aswan allinta explicanankumanta hinaspa imanasqa chay ruray allin kasqanmantapas. Allinmi facil entiendekuq palabrakuna servichikunankupaq yachachiyqa. 9 watanpi Joshua sutiyoq warmacham willakun:  conciencia hinaspa Diosman sonqo kayqa ima ninan kasqanmanta estudiaqmasinkuna mana entiendesqankuta. Hinaptinmi aswan facil palabrakunallata servichikurqa paykunata piensachinanpaq (1 Cor. 14:9).

Wakin warmakuna tapukuptinku achkata explicaptinkuqa manañam uyarinkuchu. Ichaqa, atiendenankupaqmi yanapanqa piensarichispa chaynataq rimanankupaq yanapaspa Testigo warmakunapa rimasqanku. Chaytam yacharurqa 10 watayoq Haneul sutiyoq warmacha, ninmi: “Compañeroykunaqa munankum rimariyta, manam hukkuna rimanallantachu”, nispa. Allinta rimanapaqqa paykunata tapuspam piensasqankutawan contestasqankutapas atencionwan uyarina.

Recuadropi ejemplokunam qawachichkan estudiaqmasinkunata piensarichispa imayna rimanankumanta. Chayqa manam umallamanta yacharunankupaqchu. Warmakunawan sasachakusqankupas manam chaynallachu kanku. Aswan allinqa chaymanta warmaykichik allinta entiendespanku kikinkupa rimasqankuman hina willayninkum, chaytaqa  rurananku piwan hinaspa imayna tarikusqankuman hinam. Colegiopi otaq escuelapi warmaykichik kaptinqa, allinmi kanman recuadropi ejemplokunata ensayaynikichikqa.

Creesqankuta defiendenankupaq preparanapaqqa tiempochakuna hinaspa kallpanchakunam. Tayta-mamakunaqa kallpanchakunankum Bibliapa nisqanta yachachinankupaq, convencechinankutaqmi haykapipas kasukunankupaq (Deu. 6:7; 2 Tim. 3:14).

Recuadropi consejokunaman hina Familiawan Diosta Yupaychasqaykichik Tutapi ensayaychik, cuentatam qokunkichik ancha allin kasqanmanta. Ichaqa yuyariychik, manam umallamanta imayna rimanankupaq warmaykichik chayta yacharunankupaqchu. Ichapas paykunawan ensayawaqchik iskay-kimsa kutikama, ichaqa ama chaynallatachu contestaychik, chaynapim yachankichik contestay atisqankumanta otaq manapas. Explicaptinkuqa yanapaychik allinta hinaspa respetowan ruranankupaq. Qawankichikmi estudiaqmasinkunapa, profesorninkunapa hinaspa vecinokunapa qayllanpi iñiyninku defiendesqankuta.

[4 kaq paginapi dibujokuna hinaspa recuadro]

SANTOKUYMANTA

Melisa: Imaynallam Julio. ¿Hamuwaqchu fiestayman?

Julio: Invitawasqaykimantam agradecekuyki. ¿Imatam festejanki?

Melisa: Santuytam.

Julio: Ñoqaqa manam santokunichu.

Melisa: ¿Imanasqamá? Lliwmi santokunkuqa. Nacesqay punchawmi tayta-mamayqa anchata kusikurqaku.

Julio: Ñoqapapas. Ichaqa manam festejanikuchu. Wakinpiqa santokuqmi piensan pimantapas aswan allin kasqanta. Ichaqa pimantapas aswan allinqa Diosmi ¿aw? ¿Manachu vidanchikmanta payta agradecekunanchik?

Melisa: ¿Imatataq niyta munachkanki? ¿Manachu santokunapaq fiestata rurana?

Julio: Chaymantaqa qanmi tanteanayki. Achkam munanku santokusqankupi regalokuna chaskiyta, Bibliam ichaqa nin ima chaskiqmantapas aswan kusisqaqa imapas qoq kasqanta. Ima regalo chaskinaymantapas aswan allinqa Diosta agradecekuyniymi hinaspa hukkunata yanapaymi.

Melisa: Manam haykapipas chaynataqa piensarqanichu. Chaynaqa, ¿manachu tayta-mamaykiqa regalokunata haykapipas qosunki?

Julio: Qowanmi. Ichaqa manam santokusqay punchawtaraqchu suyanku. Ima punchawpas munaspankuqa qowankum. ¿Yachankichu santokuyta imaynata qallarichisqankumanta?

Melisa: ¿Yachankichu qamqa?

Julio: Paqarin willasqayki punta tiempopiraq huk runa santokuptin ima pasasqanmanta.

BANDERAMANTAWAN HIMNOMANTA

Gisela: Carla, ¿imanasqam banderata mana saludankichu nitaq himnota takinkichu?

Carla: ¡Tapuwasqaykiqa allinmi! Ichaqa, ¿imanasqataq qamqa ruranki?

Gisela: Nacionniyta kuyasqayraykum.

Carla: Mamaykitapas kuyankim, ichaqa manam makikita qasqoykiman churaspachu saludanki nitaq himnotachu takipunki ¿aw?

Gisela: Manamá. Chaytaqa rurani nacionta respetaspaymi. ¿Manachu qamqa respetanki?

Carla: Respetanim, ichaqa manam chaynatachu saludanchik runakunatawan tukuy ima respetasqanchiktaqa ¿aw?

Gisela: Cheqapmi nisqaykiqa. Manam yachanichu imanasqa rurasqaymanta, ichapas lliw rurasqanrayku.

Carla: ¿Yachankichu imanasqa chayta rurasqankumanta? Nacionninkupa rantinpi kaptinmi, chaymi nacionninkurayku vidankutapas qonku. Ñoqaqa manam chaynatachu piensani. Manam vidaytaqa nacionniyraykuqa qoymanchu, Diosmi qowarqa hinaptinmi payllaman entregayta munani. Chaymi banderata respetaspaypas ñoqaqa mana saludanichu nitaq himnotapas takinichu.

Gisela: Chayraqmi entiendeni.

Carla: Kusikunim tapuwasqaykimanta. Ima rurasqaymanta otaq mana rurasqaymanta yachayta munaspaykiqa tapuway. Bibliapim willakun ñawpaq tiempopi huk rey, taytachapa ñawpaqninpi runakuna qonqoranankupaq kamachisqanmanta. Ichaqa, wakinkum mana kasukurqakuchu wañuchisqa kanankupaq amenazaptinkupas.

Gisela: ¿Cheqapta? ¿Imataq pasarurqa?

Carla: Recreopi willasqayki.

ESCUELAPI PITAPAS AKLLAYMANTA

Miguel: Diego, ¿pitaq allin kanman presidente kananpaq?

Diego: Ñoqaqa manam mayqantapas akllasaqchu.

Miguel: ¿Imanasqa?

Diego: Ñam akllaruniña aswan allin gobiernaqta. Cristiano kaspaymi Jesusta tukuy tiempo qatinaypaq tanteakurqani. Chaymi huktaqa mana qatiymanchu. ¿Yachankichu imanasqam Jesus aswan allin kamachiq kasqanmanta?

Miguel: Manam, yachaytapas manam munanichu.

Diego: Yachayta munaptikiqa kusisqam explicasqayki.

[Dibujo]

“Imaynallam Julio. ¿Hamuwaqchu fiestayman?”

[3 kaq paginapi dibujo]

“¿Imanasqam banderata mana saludankichu nitaq himnota takinkichu?”