¿Yuyachkankichu?

¿Leerqankichu qayninpakunalla chaskisqayki Llaqta Cuidaq revistakunata? Hinaspaqa, yaqapaschá kay tapukuykunata kutichiwaq:

• ¿Cheqap cristianokunaqa Diospa sutinta amuletota hinachu servichikunku?

Wakin runakunam piensanku imaymana amuletokuna mana allinkunamanta harkasqanta. Cristianokunam ichaqa mana chaynatachu qawanchik Diospa sutintaqa. Aswanmi Diospi confianchik hinaspa kallpanchakunchik munayninta ruranapaq, chaymi Diospa sutinpi amparakuyqa (Sof. 3:12, 13) (15/1, págs. 5, 6).

• ¿Imanasqam Jehová Diosqa rey Saulta qepancharurqa?

Rey Saulqa suyananmi karqa Jehová Diosmanta willakuq Samuel ofrendakunata kañananpaq chayamunanta, suyananmantaqa mana kasukuspanmi kikinña kañayta qallaykurqa. Huk kutipipas mana allin nacionta puchukachinanpaq Jehová Diospa kamachisqantam mana kasukurqachu (15/2, págs. 22, 23).

• ¿Imaynatam qawachichwan mana allinkuna cheqnisqanchikta?

Trago tomaymanta controlakuspa, layqa ruraykunamanta karunchakuspa chaynataq huchapakuymanta Jesuspa nisqanta kasukuspam. Ejemplopaq, qepanchananchikmi millakuypaq qalalla kaqkuna qawayta hinaspa chaykunamanta piensaytapas, mana chayqa mana allinkuna ruraytam sonqonchikpi munaruchwan (Mat. 5:27, 28). Manataqmi hukllawakunachu congregacionmanta qarqochikuq kaqkunawanqa (15/2, págs 29-32).

• ¿Imaynanpim Jeremiasqa ‘yakupa hichpanpi plantasqa sacha hina’ karqa? (Jer. 17:7, 8.)

Jeremiasqa ruruchkaq hinam Diosmanta hinalla willakurqa, manam runakunapa burlakusqantaqa kasukurqachu. Aswanmi Jehová Diospi hapipakuspan tukuy ima nisqankunata kasukurqa (15/3, pág. 14).