¿Yuyachkankichu?
Leerqankichu qaynakunalla chaskisqayki Willakuq revistakunata? Hinaptinqa, yaqapaschá kay tapukuykunata kutichiwaq:
¿Imataq bibliomancia nisqa creenciaqa, hinaspa imaynatam cristianokunaqa chayta qawananku?
Chayqa Bibliapa mayqan partentapas qonqaymanta kichaykuspa leeymi, chayta ruraqkunaqa piensankum chaypi nisqan yanapananmanta. Ichaqa, cheqap cristianokunaqa manam chaynatachu ruwanku, aswanmi Diospa Palabranta estudiaspanku Diosmanta allinta yachanku (15/12, 3 paginapi).
¿Imamantam Biblia rimachkan “kay pachapi” kaqkuna tukurunanmanta rimaspanqa?
“Kay pachapi” kaqkuna tukurunanmanta rimaspanqa manam kay Allpa pachamantachu rimachkan, aswanqa Diospa munayninta mana ruwaqkunamantam (1 Juan 2:17). Kay Allpa pachaqa hinaspa Diosman sonqo runakunaqa hinallam kanqaku (1/1, 5-7 paginakunapi).
¿Imaynatam Abelqa “wañusqaña kaspanpas” rimapayawanchik? (Heb. 11:4)
Payqa rimapayawanchik iñiyninwanmi. Ñoqanchikpas iñiyninmantam yachachwan hinaspa atichwanmi qatipakuyta. Iñiyniyoq kasqanqa kunankamam yanapawanchik (1/1, 12 paginapi).
¿Imakunamantam cuidakunanchik Jehova Diosmanta mana karunchakurunapaq?
Llamkayman otaq estudiasqanchikman qokuruymanta, kusirikuykunamanta, congregacionmanta qarqosqa familianchikmanta, aparatokunamanta, onqoptinchik llumpay llakikuymanta, qollqepi hapipakuymanta hinaspa hatunchakuymantapas (15/1, 12-21 paginakunapi).
¿Imatam yachachwan Moisespa humilde kasqanmanta?
Kamachiq kaspan hatunchakurunanmantaqa, Moisesqa Jehova Diospim confiakurqa manam kikinpichu. Ñoqanchikpas ima ruwayniyoqña kaspapas otaq ima ruwaytaña atispapas manam hatunchakunanchikchu, aswanqa Jehova Diospim confiakunanchik (Prov. 3:5, 6). (1/3, 5 paginapi.)
¿Ima ninantaq judiokuna ‘mana señalasqa runakuna hina kasqankumanta’ Bibliapa nispanqa? (Jer. 9:26)
Judiokunaqa mana kasukuq hinaspa mana cambiay munaq runakunam karqaku. Paykunapa imayna kasqankuqa hinaspa imayna piensasqankuqa Jehova Diospa qayllanpiqa mana allinmi karqa (Jer. 5:23, 24). (15/3, 9-10 paginakunapi.)
¿Qerupi warkuspankuchu israelitakunaqa wañuchiqku mana allin ruwaqkunata?
Manam. Huk nacionkunam chaytaqa ruwaqku ichaqa Israel runakunaqa manam. Puntataqa mana allin ruwaq runataqa rumikunawan choqapaspankum wañuchiqku (Lev. 20:2, 27). Chaymantañataqmi wañusqataña qerupi warkuqku, chaynapi Israel runakuna manchakunankupaq (15/4, 13 paginapi).
¿Imaynataq kay Pachapi Diospa llaqtanqa?
Diospa llaqtanpim kachkan: Diospa Llaqtanpi Punta Apaqkuna, Betel wasimanta encargakuqkuna, congregacionkunata watukuqkuna, congregacionpi ancianokuna, congregacionpi iñiqmasinchikkuna hinaspa sapa iñiqmasinchikkuna (15/4, 29 paginapi).
¿Maypitaq kawsarimuq runakunaqa kawsanqaku?
144.000 akllasqa runakunam hanaq pachapi kawsanqaku. Yaqa lliw kawsarimuqkunam ichaqa kay Pachapi sumaq huertapi wiñaypaq kawsanqaku (1/5, 6 paginapi).
