“Munaychakuynikiyá hamuchun”, achkallay-achka runakunam chaynata mañakunku
¿Yaqachu qampas chaynata nispa Diosta mañakurqanki? Achka runakunam Diospa munaychakuynin hamunanpaq mañakunku ¿imaynanpi? Jesusmi qatiqninkunata chaynata mañakunankupaq yachachirqa.
Diospa munaychakuyninmantaqa Jesuspa qatiqninkunaqa manaraqmi allintaraqchu yacharqaku, chaymi tapurqaku: “Señor, ¿kaqmantachu Diospa munaychakuyninta Israel nacionpi kunan tiempo hatarichichkanki?”, nispanku. Jesusmi ichaqa mana imatapas nirqachu (Hechos 1:6, 7). Ichaqa atichwanmi Diospa munaychakuynin ima kasqanta hinaspa haykapi hamunanmanta yachaytaqa.
Kay qillqapim kay tapukuykunamanta yachasun:
¿Imanasqataq allin kanman Dios kamachiwayninchikqa?
¿Pitaq Diospa munaychakuyninpi kamachiq kanqa?
¿Haykapitaq kay allpa pachata Jesus kamachiyta qallaykunqa?
¿Imaynañam Jesus kamachiptin kawsakusun?
¿Imanasqataq kallpanchakunanchik Diospa munasqanman hina kawsakunapaq?
¿Imataq Diospa munaychakuyninqa?
Kaykunatapas leeykuy
WILLAKUQ
¿Imanasqam Diospa Munaychakuynin hamunanpaq mañakunanchik?
¿Imakunatam Diospa Munaychakuyninqa ruwanqa?
BIBLIAPA ANCHA ALLIN YACHACHIKUYNINKUNA
¿Imataq Diospa munaychakuyninqa?
Kay pachapi Jesus kaspanqa astawanmi willakurqa Diospa munaychakuyninmanta. Qatiqninkunapas unay tiempoñam mañakuchkanku Diospa munaychakuynin kay pachaman hamunanpaq.
