QARANPI KAQ YACHACHIKUY | ¿IMAYNATAQ KANKU JEHOVA DIOSPA TESTIGONKUNAQA?
¿Imakunapitaq creeniku?
Testigokunaqa creenikum ‘bibliapi llapallan qillqasqa kaqkunaqa Diospa espiritunpa qusqan’ kasqanpi (2 Timoteo 3:16). Bibliatam servichikuniku Diosmanta yachanaykupaq hinaspa sumaqta kawsakunaykupaqpas.
Bibliam nin: ‘Qamlla [Jehova] * Dios kasqaykitayá riqsichunku, kay pachapi qamlla tukuy imapa hawanpi munaychakuq kasqaykitayá yachachunku’, nispa (Salmo 83:18, CQ12). Chaymi Jehova Diosllata yupaychaniku. Hinaspapas sutinmantam willakuniku (Isaias 43:10-12).
Creenikum Jesucristoqa ‘Diospa churin kasqanpi’ * paymi kay pachaman hamuspan Mesias utaq Cristo karqa (Juan 1:34, 41; 4:25, 26). Wañusqanmanta kawsariruspanmi Jesusqa hanaq pachaman kutikurqa (1 Corintios 15:3, 4). Tiempo pasasqanman hinam Jehova Diosqa payta churarun kamachimuq kananpaq (Apocalipsis 11:15). Paymi kamachimuspan kay pachata suma-sumaqta allichanqa (Daniel 2:44). Chaymantam bibliapi kaynata nin: ‘Ñakariqmi ichaqariki dueñoyanqa allpata. Paykunaqa kusikuywanmi hawkayaypi kawsanqaku’, nispa (Salmo 37:11, 29).
Huk curam nirqa: “Testigokunaqa biblia leesqankutam hapinku Diospa rimapayasqanta hina. Ima sasachakuyninkupas kaptinqa bibliapi yachachikuykunawanmi yanapachikunku. [...] Paykunaqa ancha allinpaqmi qawanku Diospa palabrantaqa”, nispa (Benjamin Cherayath, Münsterländische Volkszeitung, Alemania).
Creenikutaqmi bibliapi yachachikuykunaqa lliw runakunapa allinninkupaq kasqanpi (Isaias 48:17, 18). Chaymi kallpanchakuniku chayman hina kawsakunaykupaq. Bibliapim kamachin aychanchikpi hinaspa espiritunchikpi chuya kanapaq, chaymi cigarrotaqa mana pitanikuchu nitaq cocatapas akunikuchu (2 Corintios 7:1). Manataqmi tomanikuchu, huchapakunikuchu, nitaq suwakunikuchu (1 Corintios 6:9-11).
^ par. 4 Chuya Qellqa Edición Revisada 2012 niq bibliapim Diospa sutinqa Jehova nisqanta tarinki, rimaykunapa imam ninanmanta niqpi, pag. 96.
^ par. 5 Bibliaqa nintaqmi Jesusqa Diospa piwi churin kasqanmantapas, chaynataqa nin imatapas manaraq unanchachkaspan Jesusta puntata unanchasqanraykum (Juan 3:18; Colosenses 1:13-15).
Kaykunatapas leeykuy
TAPUKUYKUNA
¿Jehova Diospa testigonkunaqa piensankuchu paykunalla chiqap religion kasqankuta?
¿Wiñay kawsayman apaq ñan achka kasqantachu Jesusqa yachachirqa?
BIBLIAPA ANCHA ALLIN YACHACHIKUYNINKUNA
¿Kanmanchu Diospa sutin?
Diostam kaykunawan sutichanku: tukuy atiyniyuq, unanchaq hinaspa señor nispa. Ichaqa Bibliapim Diospa sutinqa yaqa 7 waranqa kutikama rikurin.
