Jesuspa wañukusqanta yuyarinapaq
Sabado 12, abril 2025
Jesuspa kamachisqanman hinam Jehova Diospa testigonkunaqa watapi huk kutita huñunakuniku wañukusqanta yuyarinaykupaq. Jesusmi nirqa: “Hinallayá kayta ruwaychik ñuqata yuyariwaspa”, nispa (Lucas 22:19).
Munaymankum kay huñunakuyman hamunaykita.
Wakinkum tapukunku:
¿Hayka unaytaq chay huñunakuyqa kanqa?
Yaqa huk horam kanqa.
¿Maypitaq kanqa?
Chaypaqqa tapuykuy yachasqayki lawpi Jehova Diospa testigonkunata.
Chay huñunakuyqa, ¿qullqipaqchu?
Manam.
Chay huñunakuypiqa, ¿qullqita mañanqakuchu?
Manam.
¿Imayna pachayuqtaq chay huñunakuymanqa rina?
Manam achka qullqipa chanin nitaq musuq pachawanraqchu rina, aswanqa limpio hinaspa sumaq pachawanmi. Bibliapa nisqanta kasukuspaykum ñuqaykuqa allin yuyaywan hinaspa ama pitapas hukmanta piensachinaykupaq hina pachakuniku (1 Timoteo 2:9).
¿Imaynataq chay huñunakuyniykuqa?
Huñunakuy qallariytam takiniku, chaymantam huknin iñiqmasiyku Diosta mañakuykun. Chaymantañataqmi huknin iñiqmasiyku bibliawan yachachimun imanasqa Jesuspa wañukusqanqa llapanchikpaq ancha importante kasqanmanta, willamuntaqmi Jehova Dioswan churin Jesucristo imakunata ñuqanchikrayku ruwasqankumantapas. Tukunaykupaqñataqmi kaqmanta takiniku hinaspa huknin iñiqmasiyku Diosta mañakuykun.
Astawan yachaykunaykipaq leeykuy “¿Imanasqataq Jehova Diospa testigonkunaqa Jesuspa santa cenanta mana wakin runakuna hinachu yuyarinku?” niqta.
¿Haykapitaq qatiqnin watakunapiqa Jesuspa wañukusqanta yuyarichkasun?
2025: Sabado 12 abril.
2026: Jueves 2 abril.
Kaykunatapas leeykuy
JESUSPA WAÑUKUSQANTA YUYARINAPAQ
Jesuspa wañukusqantayá yuyarisun
Munaymankum chay huñunakuypi kanaykita. Chaypim yachanki imanasqa Jesuspa wañukusqan qampaq hinaspa aylluykipaq ancha allin kasqanta.
BIBLIAPA ANCHA ALLIN YACHACHIKUYNINKUNA
¿Imanasqataq Jesusqa wañukurqa?
Bibliapiqa Jesuspa wañukusqanmantam achka kutita riman. Wañukusqanqa, ¿imamantapas yanapawachwanchu?