4026 watakuna qhepaman m.J.j.

“Mach’aqway” otaq Satanás, Jehová Diospa imayna kamachisqanta, kamachinanpaq derechontawan iskayachin. Jehová Diosmi prometen juj “miray” jamuspa Satanasta wañuchinanpaq (Génesis 3:1-5, 15). Ichaqa juj tiempon jinallata qhawan Satanaspa munayninman jina runakunaq kamachikunanta.

1943 wata m.J.j.

Jehová Diosmi Abrahanman prometen familianmanta prometesqa “miray” jamunanta (Génesis 22:18).

1070 watakuna qhepaman m.J.j.

Jehová Diosmi Davidman, chaymanta Salomonman prometen familianmanta prometesqa “miray” jamunanta (2 Samuel 7:12, 16; 1 Reyes 9:3-5; Isaías 9:6, 7).

29 wata J.j.qh.

Jehová Dios willan Jesús prometesqa “miray” kasqanta, Davidpa rantinpi kamachikunantawan (Gálatas 3:16; Lucas 1:31-33; 3:21, 22).

 33 wata J.j.qh.

Mach’aqwaymi otaq Satanasmi Jesusta wañuchin, chhaynapi prometesqa “mirayta” k’irin. Jehová Diosmi Jesusta kausarichispa janaq pachaman apapun, ch’uya kausaynintataq chaskin. Chaywanmi runakunaq juchanta pampachan, wiñay kausaytapas qoyta atin (Génesis 3:15; Hechos 2:32-36; 1 Corintios 15:21, 22).

1914 watakunapi jina J.j.qh.

Jesusmi “mach’aqwayta” otaq Satanasta kay pachaman wijch’uykamun chaypi pisi tiempolla kananpaq (Apocalipsis 12:7-9, 12).

Jamuq tiempopi

Jesusmi Satanasta waranqa watapaq wisq’anqa, chay qhepamantaq wiñaypaq wañuchinqa. Chayta ruwaspan umanta sarunqa. Chhaynapin jallp’apaq runakunapaqpas imachus Diospa munasqan junt’akunqa, Diospa sutin ch’uyanchakunqa, paypa kamachikuynin aswan allin kasqantapas sut’iman orqokunqa (Apocalipsis 20:1-3, 10; 21:3, 4).