1 Timoteo 3:1-16
3 Kay nisqayqa confianapaq jinan: Pipas iñiqkuna qhawariq kayta munashan chayqa,+ ancha allin ruwaytan munashan.
2 Iñiqkunata qhawariqkunan ichaqa kananku: mana juchachana, juj esposallayoq, allinta controlakuq, allin yuyaywan imatapas ruwaq,+ respetanapaq jina kausaq,* jujkunata sumaqta chaskiq,+ yachachinanpaq allin preparasqa ima.+
3 Chaymantapas manan machaqchu kanan,+ manan maqakuqchu kanan,* aswanmi llamp’u sonqo kanan.*+ Chaymantapas manan churanakuqchu kanan,+ manataqmi qolqe sonqochu kanan;+
4 wasinpi kaqkunatapas allintan umallinan, wawankunatapas kasukuqta respetoyoqta iman uywanan+
5 (manachus wasinpi kaqkunata umalliyta atinman chayqa, ¿imaynatataq Diospa iñiq t’aqantari cuidayta atinman?);
6 manan chayllaraq iñiqpaschu kanan,+ mana chayqa paqtapas jatunchakuq runaman tukupunman, chhaynapitaq Saqra jina juchachasqa kanman;
7 jawapi kaqkunaqpas allin qhawarisqanmi kanan,+ chhaynapi mana p’enqayta paymanta rimanankupaq, Saqraq trampanmanpas mana urmananpaqwan.
8 Yanapakuq qharikunapas* respetanapaq jinan kausananku, manan iskay uyachu kananku, manan nishu vino* ujaqchu kananku, manataqmi qolqe sonqochu kananku,+
9 aswanpas ch’uya concienciawan Diospa pakasqa ch’uya yachayninman k’askakuqmi kananku,+ chay pakasqa yachayqa iñiymi.
10 Chaymantapas paykunataqa probakunanraqmi preparasqachus kashanku icha manachus chayta yachakunanpaq, chaymantañan yanapakuq qhariqa* kankuman, mana piqpa juchachanan kanku chayqa.+
11 Warmikunapas respetanapaq jinan kausananku, manan yanqamanta tumpaqkunachu kananku,+ chaymantapas yachanankun ima ruwasqankupipas controlakuyta, tukuy imapitaqmi junt’aq kananku.+
12 Chaymantapas, yanapakuq qharikunaqa* juj esposallayoqmi kananku, wawankutapas wasinpi kaqkunatapas allintapunin umallinanku.
13 Jujkunata allinta serviq qharikunaqa allin respetasqan kanku, mana manchakuspataqmi Cristo Jesuspi iñisqankumantapas rimanku.
14 Maytan qanwan tupayta munashani, ichaqa yaqapas mana apuraychu jamusaq, chaymi kaykunata qelqamushayki,
15 chhaynapi imaynatachus Diospa familianpi purinayki chayta yachanaykipaq,+ chay familiaqa kausaq Diospa iñiq t’aqanmi, chay iñiq t’aqaqa cheqaq kaqta allinta sayachiq columnan.
16 Diospaq junt’aq sonqo kaymanta pakasqa ch’uya yachayqa ancha jatunmi. “Jesusmi runaman tukurqan,+ Diostaq payta chanincharqan wajmanta espíritu cuerpota qospa.+ Payqa angelkunamanmi rijurirqan,+ nacionkunapin paymanta willasqa karqan,+ kay pachapiqa askhan paypi iñirqanku,+ janaq pachapipas lliflli kaywan chaskisqan karqan”.
Uraypi willakuykuna
^ Chaypiqa “imatapas ordenpi ruwaq” nillanmantaqmi.
^ Chaypiqa “manan tercochu kanan” nillanmantaqmi.
^ Chaypiqa “manan siminwan k’iriqchu kanan” nillanmantaqmi.
^ Chaypiqa tukuy ima machachiq ujanamantan rimashan.
^ Yanapakuq qharitaqa “siervo ministerial” nillankutaqmi.
^ Yanapakuq qharitaqa “siervo ministerial” nillankutaqmi.
^ Yanapakuq qharitaqa “siervo ministerial” nillankutaqmi.
