Esdras 10:1-44
10 Esdrasqa runakunaq juchanta Diospa wasinpa ñaupanpi thallaykuspa waqaykuspa willakushaqtinmi,+ payman juñukamurqanku Israel llaqtamanta askha qharikuna, warmikuna, wawakuna ima. Llapankun sinchita waqaykusharqanku.
2 Chayllamanmi Elampa+ mirayninmanta Jeyelpa+ churin Secaniasqa Esdrasta nirqan: “Noqaykun juchayoqqa kayku, noqaykun muyuriqniyku llaqtakunapi warmikunawan casarakuspa* Dios contra juchallikuyku.+ Chaywanpas atikunmanraqmi kaykuna allichaytaqa.
3 Chayrayku Diosninchiswan rimanakusun,+ jinaspa llapa waj llaqtayoq warmikunata wawakunantinta llaqtankuman kachapusun. Chayta ruwaspan Jehová Diosta kasukusun, paypa kamachikuyninkunata manchakuq runakunatapas kasukusun.+ Diospa kamachikuyninta junt’asun.
4 Chhaynaqa sayariy Esdras, kayqa qanpa ruwanaykin. Kallpachakuy, ruwallayña, noqaykuqa qanwanmi kashayku”, nispa.
5 Chaymi Esdrasqa sayarispa sacerdote umallikunata, Leví runakunata, llapa Israel runakunatawan rimasqankuman jina jurachirqan.+ Jinan paykunaqa jurarqanku.
6 Esdrasqa Diospa wasinpa ñaupanpin kasharqan, chaymantataq Eliasibpa churin Jehoananpa cuartonman* rirqan, chay cuartoqa templopin kasharqan. Ichaqa manan mijurqanchu ni unutapas ujarqanchu; Babiloniamanta kutimuq runakunaq juchallikusqankuraykun payqa sinchi llakisqa kasharqan.+
7 Chaymantataq llapa Judá llaqtantinpi Jerusalén llaqtantinpi willachikurqan Babiloniamanta kutimpuq runakuna Jerusalenpi juñukunankupaq.
8 Autoridadkunawan umalliqkunawan* kamachikusqankuman jinaqa pillapas kinsa p’unchaypi mana rijurimuqqa Israel llaqtamantan* qarqosqa kanan karqan, kaqninkunatapas llapantan qechupunanku karqan.+
9 Chayraykun Judá ayllu runakuna Benjamín ayllu runakunapas llapallanku kinsantin p’unchay juñukamurqanku, jinaspa isqon kaq killapi iskay chunka p’unchaypi Diospa wasinpa jujnin pationpi tiyaykurqanku juchankumanta paramantawan khatatataspa.*
10 Jinan sacerdote Esdrasqa sayarispa nirqan: “¿Manachu yacharqankichis waj llaqta warmikunawan casarakuspaqa Dios contra juchallikusqaykichista?+ Chayta ruwaspan qankunaqa astawanraq Israel llaqtaq juchanta yapaykunkichis.
11 Kunanqa ñaupa taytaykichispa Diosnin Jehová Diosman llapa juchaykichista willakuychis, payta kasukuychis. T’aqakuychis kay muyuriq llaqtakunapi runakunamanta, chay llaqta warmikunamantapas”,+ nispa.
12 Jinan llaqtantin runakuna kunkayoqta nirqanku: “Nisqaykiman jinapunin ruwasaqku.
13 Ichaqa askhan kayku, paray tiempopitaq kashanchispas, manan kay jawapiqa qhepakuykumanchu. Jinaspapas askhan mana kasukuspa jucha ruwaqqa kayku, manan juj p’unchaypi nitaq iskay p’unchayllapi allichakunanpaq jinachu.
14 Aswanpas ama jinachu kay, autoridadniyku runakuna rantiykupi qhepakuchunku,+ jinaspapas waj llaqtayoq warmikunawan llapa casarakuqkuna ima p’unchaychus wajachisqa kanqaku chay p’unchay jamuchunku, llaqtankupi umalliqninkuwan juezkunawan kuska. Chayta ruwaqtinchisqa ichapas Diosninchispa k’araq phiñakuynin tiyaykunman”, nispa.
15 Asaelpa churin Jonatanwan, Ticvapa churin Jazeyapiwanmi ichaqa mana munarqankuchu, paykunamanmi sayapakullarqankutaq Leví runa Mesulanpas Sabetaipas.+
16 Chaywanpas Babiloniamanta kutimpuq runakunaqa imachus rimanakusqankuman jinan ruwarqanku. Chaymantataq sacerdote Esdrasqa listapi churarqan familiakunapi umallikunaq sutinta, paykunawanmi juñukurqan chunka kaq killaq qallariynin p’unchaypi. Chay p’unchaymantapachan qhawarirqanku imapunichus pasarqan chayta.
17 Jinaspa ñaupaq kaq killaq ñaupaq kaq p’unchayninpi chay ruwayta tukurqanku. Chay p’unchaymi waj llaqtayoq warmikunawan casarakusqanku problemata allichayta tukurqanku.
18 Chay ruwasqankupin yachakullarqantaq sacerdotekunaq wakin churinkupas waj llaqtayoq warmikunawan casarakusqankuta.+ Jehozadacpa churin Jesuaq+ wakin churinkunamanta wayqenkunamantawanmi karqanku: Maseya, Eliezer, Jarif, Guedaliaspiwan.
19 Paykunan juj promesata ruwarqanku waj llaqtayoq esposankuta llaqtankuman kachapunankupaq. Jinaspapas juchankumantan orqo ovejata ofrendapi jaywananku karqan.+
20 Chay juchapi urmaq sacerdotekunan kallarqankutaq: Imerpa+ mirayninmanta Ananiwan Zebadiaspiwan;
21 Arinpa+ mirayninmanta Maseya, Elías, Semaya, Jeyel, Uziaspiwan;
22 Pasjurpa+ mirayninmanta Elionái, Maseya, Ismael, Netanel, Jozabaj, Eleasapiwan;
23 Leví runakunamantataq karqanku: Jozabaj, Simeí, Quelaya (Quelayataqa Quelitá nikullantaqmi), Petaías, Judá, Eliezerpiwan;
24 takiqkunamantan karqan Eliasib; punku qhawaqkunamantataq karqanku: Salum, Télen, Uripiwan.
25 Israel runakunamantataq karqanku: Parospa+ mirayninmanta Ramías, Izías, Malkiya, Mijamín, Eleazar, Malkiya, Benayapiwan;
26 Elampa+ mirayninmanta Matanías, Zacarías, Jeyel,+ Afdí, Jeremoj, Eliaspiwan;
27 Zatupa+ mirayninmanta Elionái, Eliasib, Matanías, Jeremoj, Zabaj, Azizapiwan;
28 Bebaipa+ mirayninmanta Jehoanán, Hananías, Zabái, Atlaipiwan;
29 Banipa mirayninmanta Mesulan, Maluc, Adaya, Jasuf, Seal, Jeremojpiwan;
30 Pajaj-Moabpa+ mirayninmanta Ajná, Kelal, Benaya, Maseya, Matanías, Bezalel, Binuí, Manasespiwan;
31 Arinpa+ mirayninmanta Eliezer, Isiya, Malkiya,+ Semaya, Shimeón,
32 Benjamín, Maluc, Semariaspiwan;
33 Asunpa+ mirayninmanta Matenái, Matatá, Zabaj, Elifélej, Jeremái, Manasés, Simeipiwan;
34 Banipa mirayninmanta Madái, Amram, Uel,
35 Benaya, Bedeya, Kelúi,
36 Vanías, Meremoj, Eliasib,
37 Matanías, Matenái, Jasupiwan;
38 Binuipa mirayninmanta Simeí,
39 Selemías, Natán, Adaya,
40 Macnadebái, Sasái, Sharái,
41 Azarel, Selemías, Semarías,
42 Salum, Amarías, Josepiwan;
43 Neboq mirayninmanta Jeiel, Matitías, Zabaj, Zebiná, Jadái, Joel, Benayapiwan.
44 Llapa paykunan waj llaqtayoq warmikunawan casarakusqaku,+ chay warmikunatan wawakunantinta llaqtankuman kachapurqanku.+
Uraypi willakuykuna
^ Chaypiqa “warmikunata wasiykuman apaspa” nillanmantaqmi.
^ Chaypiqa “mijunan wasiman” nillanmantaqmi.
^ Chaypiqa “kuraq runakunawan” nillanmantaqmi.
^ Chaypiqa “kutimpuqkuna ukhumantan” nillanmantaqmi.
^ Khatatataytaqa “kharkatiy” nillankutaqmi.
