Job 15:1-35
15 Jinan Temán llaqtamanta Elifazqa+ khaynata nirqan:
2 “¿Yachayniyoq runa comunta rimanmanchu?
¿Mana allin yuyaykunawan sonqonta junt’achinmanchu?
3 Comunta rimaspa pitapas anyayqa yanqan,manataqmi rimaspallaqa pitapas yanapawaqchu.
4 Qanpa causaykipin runakunaqa manaña Diosta manchakunkuchu,qanpa causaykipin runakunaqa manaña Diospi creenkuchu.
5 Juchaykin qantaqa chhaynata rimachisunki,chaymi engañowan rimanki.
6 Simiykin qantaqa juchachasunki, manan noqachu,simiykin qan contra rimashan.+
7 Qanri, ¿llapa runakunamanta ñaupaqtachu nacerqanki?
¿Orqo patakunamantapas ñaupaqtachu nacerqanki?
8 ¿Pakallapi Diospa rimasqantapas uyarinkichu?
¿Qanllachu yuyaysapa kanki?
9 ¿Imatan qan yachawaq noqaykumanta masta?+
¿Imatan qan entiendewaq noqaykumanta masta?
10 Kaypin noqanchiswan kashan kuraq runakuna, soqo uma* runakuna,+paykunaqa taytaykimantapas aswan kuraqmi kanku.
11 ¿Manachu sonqoyki tiyaykun Diospa kallpachasqanta chaskispa?
¿Manachu sonqoyki tiyaykun sumaq simikunata uyarispa?
12 ¿Imaraykun sonqoykiwan engañachikunki?
¿Imaraykun sinchi phiñasqa qhawawankiku?
13 Qanqa Diospaqmi sinchi phiñasqa kashanki,chaychá simiykimantaqa mana allinkuna lloqsimushan.
14 ¿Wañuq runa atinmanchu ch’uya kayta?
¿Warmimanta naceq runa atinmanchu chanin kayta?+
15 Diosqa manan angelninkunapipas confianchu,janaq pachapas paypa ñawinpaqqa manan ch’uyachu.+
16 ¡Astawanraqchá Diosqa mana confianchu millay runapiqa, q’otuq runapiqa,+mana chanintapas unuta jinaraq ujaq runapiqa!
17 Allinta uyariy imachus nisqayta.
Rikusqaytan willasayki,
18 yachaysapa runakunaq mana pakaspa willasqankutan willasayki,taytankumantaraq uyarisqanku willakuytan willasayki.+
19 Paykunaq taytankun kay jallp’ataqa chaskirqanku,manan waj llaqtayoq runakunaqa chaynintaqa purirqankuchu.
20 Millay runaqa sapa p’unchaymi llakisqalla kausan.
Mana chanin runaqa watan-watanmi manchasqalla purin.
21 Ninrinpipas manchakuy qapariykunallatan uyarin,+thaj kausay tiempopipas suwallan phawaykun.
22 Manachus jina payqa tutayaqmanta ayqeyta atinmanchu,+paytaqa espadan suyashan.
23 Millay runaqa mijunata maskhaspan purin, ¿maypin tarinman?
Payqa allintan yachan tutayaq qayllanpiña kashasqanta.
24 Nanaykunapas llakikuykunapas sinchitan paytaqa ñak’arichin,chaykunaqa rey jinan paywan maqanakuq phawaykun.
25 Millay runaqa Dios contran makinta oqarin,tukuy atiyniyoq Dioswanmi maqanakuyta munan,
26 jark’apakuna rakhu* escudontinmi payman phawaykun,k’ulluchakuspan Diosman phawaykun.
27 Wirallañan payqa kashan,uyanpas p’utiy-p’utiyraqmi kashan,cinturanpas rakhullañan kashan.
28 Paypa tiyasqan llaqtakunaqa thunisqan kapunqa,tiyasqan wasikunaqa ch’usaqmi kapunqa,llapanmi rumi monton kapunqa.
29 Millay runaqa manan qhapaqyanqachu,kaqninkunapas manan kay pachamanqa junt’aykunqachu.
30 Manan wañuymantaqa ayqeyta atinqachu;sach’aq k’allmachanta ninaq ruphasqan jinan kanqa,Diospa phukurisqallanwanmi chinkapunqa.+
31 Amapuni mana allin kaqkunapiqa confiachunchu,chaykunapi confiaspaqa mana allinpin tarikunqa.
32 Chaykunaqa qonqayllan chayamunqa,k’allmankunapas manan t’ikanqañachu.+
33 Payqa manaraq tiemponpi rurusqanta urmachiq uvas sach’a jinan kanqa,t’ikankunata wisñiq aceituna sach’a jinan kanqa.
34 Dios contra jatariqkunaqa* manan jayk’aqpas rurunqakuchu,+pakallapi imatapas chaskiqkunaqa ruphasqan kanqaku,ninan paykunaq karpankutaqa ruphanqa.
35 Paykunaqa mana allinkunatan wijsallikunku,mana chaninkunatan onqokunku,engañollan paykunamantaqa paqarimun”, nispa.
Uraypi willakuykuna
^ Soqo umataqa “qaqa uma” nillankutaqmi.
^ Rakhutaqa “rajt’a” nillankutaqmi.
^ Chaypiqa “Diosmanta t’aqakuspa pay contra jatariqkunaqa” nillanmantaqmi.
