Oseas 10:1-15
10 Diosmi nin: “Israelqa mana allinta ruruq uvas sach’a jinan.+
Astawan ruruqtinmi astawanraq altarninkunapas yapakun.+
Aswan allintaraq jallp’an ruruqtinmi, aswan allinmanraq yupaychana sayashaq ruminkunapas tukun.+
2 Paykunaqa iskay uyan* kanku,juchachasqapunin kanqaku.
Altarninkupas yupaychana sayashaq ruminkunapas thunisqan kanqa.
3 Chaymi ninqaku: Jehová Diosta mana manchakusqanchisraykun mana reyninchis kanchu.+
Reyninchisña kanman chaypas, ¿imatataq noqanchispaqri ruwanman?, nispa.
4 Paykunaqa yanqan rimanku, llullakuspan juranku,+ rimanakuykunatan ruwanku,justicia ruwayninkuqa chajrapi wiñaq jaya qora jinan.+
5 Bej-Aven llaqtapi torillo idolomantan Samaria runakunaqa llakikunqaku.+
Chay idolomantan llaqtaqa waqanqa.
Waj dioskunata serviq sacerdotekunapas waqanqakun,paykunapaqqa chay torillon, jatunchasqa kaynin iman kusikuyninku karqan.
Chay idoloqa paykunamantan t’aqasqa kanqa, karumanmi apasqa kanqa.
6 Asiriamanmi jatun reymanmi regalo jina apasqa kanqa.+
Efrainqa pisichasqan kanqa,Israelqa mana allin yuyaychayta kasukusqanmantan p’enqaypi tarikunqa.+
7 Samaria llaqtapas reyninpas chinkachisqan kapunqa,+unuq apasqan k’allmacha jinan chinkapunqa.
8 Bej-Aven llaqtapi yupaychana patakunaqa,+ Israelta juchallichiqqa+ thunisqan kapunqa.+
Altarninkunapipas kiskakuna kisakunan wiñapunqa.+
Runakunan orqokunata ninqaku: ¡Pakaykuwayku!, nispa.
Moqokunatapas: ¡Urmaykamuwayku!,+ nispa.
9 Yau Israel, Guibeapi juchallikusqaykimantapachan juchallapi kashanki.+
Chaypin Israel runakunaqa kaqllata ruwasharqanku.
Manan guerrapas Guibeapi mana chanin ruwaqkunataqa llapankutachu chinkachirqan.
10 Munasqay ratun paykunataqa wanachisaq.
Llaqtakunan paykuna contra juñukunqa,iskaynin juchankutan yugota jina aysanqaku.*
11 Efrainqa allin yachachisqa, erata* saruy gustoyoq malta waka jinan karqan,chaymi munay kunkanmanqa yugota mana watarqanichu.
Kunanqa jujwan sillarachispan Efrainta purichisaq,+Judami aradota aysanqa, Jacobtaq k’urpakunata ñut’unqa.
12 Chanin kayta qankunapaq tarpuychis, mana tukukuq munakuytataq* cosechaychis.
Allin jallp’ata qankunapaq yapuychis,*+Jehová Diosta maskhanaykichispaq tiemporaq kashaqtin,+jamuspa chanin kaqta qankunaman yachachinaykama chayta ruwaychis.+
13 Qankunan ichaqa mana allinkunata tarpurqankichis,mana chanin kaqtataqmi cosecharqankichispas.+
Engañoq ruruntan mijurqankichis.
Imachus ruway yachasqaykichispin confiarqankichis,askha soldadoykichiskunapin confiarqankichis.
14 Llaqtaykichis contran ch’aqwata jatarichinqaku,allin perqasqa llaqtaykichiskunapas thunisqan kanqa,+imaynan Salmanqa maqanakuypi Bej-Arbel* nisqata chinkachirqan chhayna chinkachisqan kanqa,chaypin mamakunaqa wawakunantin wañuchisqa karqanku.
15 Chhayna chinkachisqan kanki Betel llaqta,+sinchi mana allinkunata ruwasqaykimantan chhaynapi tarikunki.
Pacha illarimuytan Israel reyqa wañuchisqa kanqa”,+ nispa.
Uraypi willakuykuna
^ Chaypiqa “iskay sonqon” nillanmantaqmi.
^ Chaypiqa juchankumanta castigasqa kanankumantan rimashan.
^ Era patataqa “wayrachina pata” nillankutaqmi.
^ Yapuytaqa “chajmay, aray” nillankutaqmi.
^ Qhaway Explicasqa simikuna nisqapi “Mana tukukuq munakuy” nisqata.
^ Bej-Arbel sutiqa “Arbelpa wasin” ninantan nin.
