Oseas 12:1-14
12 “Efrainqa wayrata mijuspan kausan,inti lloqsimuy lado wayratan ch’isiyaq qatikachan.
Mana allin ruwaykunatapas astawanmi ruwan, astawanmi llullakunpas.
Asiriawan rimanakuspan+ Egiptoman aceiteta apan.+
2 Jehová Diosmi Judata juicioman apanqa.+
Jacobtan imayna kausasqanmanta cuentata mañanqa,imachus ruwasqanman jinan juchachanqa.+
3 Mamanpa wijsanpi kashaspan payqa wayqenta chaki talonninmanta jap’irqan.+
Tukuy kallpanwanmi Dioswan jap’inakurqan.+
4 Atipanankaman juj angelwan jap’inakurqan.
Waqaspan rogakurqan bendecinanpaq”.+
Diosmi payta Betelpi tarirqan, chaypin payqa noqanchiswan* rimarqan.+
5 Ejercitokunata kamachiq Jehová Diosmi* payqa,+paytaqa Jehová sutiwanmi reqsikun.+
6 Diosmi nin: “Chhaynaqa Diosniykiman kutipuy,+cheqaq munakuq* kay, chanin ruwaq kay,+Diosnillaykipi confiay payllapi jap’ipakuy.
7 Negocio ruwaqkunaq makinpin ichaqa suwakuq balanzakunalla kashan,paykunamanqa runata engañaymi gustan.+
8 Efrainqa nillanpunin: Noqaqa qhapaqmi kapuni,+kaqniykunapas askhan kapuwan.+
Ima llank’asqaypas allinkaman, manan pipas ima juchatapas tariwanmanchu, nispa.
9 Noqa Jehová Diosmi ichaqa Egipto llaqtamantapacha Diosniyki kani.+
Jujmantan karpakunapi tiyachisayki,fiesta p’unchaykunapi* jinan toldokunapi tiyachisayki.
10 Profetakunatan rimapayarqani,+askha rijuriykunatan rikuchirqani.
Profetakunawanmi rijch’anachiykunata willachirqani.
11 Galaad llaqtapin engañashanku*+ llullakushanku ima.
Guilgal llaqtapin torokunata sacrificiopi jaywashanku,+altarkuna ruwasqankupas chajrakunapi rumi montonkuna jinaraqmi kashan.+
12 Jacobqa Aram* ladomanmi ayqekurqan,+chaypin Israelqa+ warmirayku llank’arqan,+warmiraykun ovejata michipakurqan.+
13 Juj profetawanmi Jehová Diosqa Egiptomanta Israelta orqochimurqan,+profetawanmi cuidachirqanpas.+
14 Efrainqa sinchitapunin Diosta phiñachirqan,+yawar jich’asqanmantan payqa juchayoq kashan,pisichasqanmantan Señorninqa imachus chaskinanta qonqa”,+ nispa.
Uraypi willakuykuna
^ Chaypiqa Jacobpa miraynin runakunamantan rimashanman.
^ Qhaway Explicasqa simikuna nisqapi “Ejercitokunata kamachiq Jehová Dios” nisqata.
^ Chaypiqa “mana tukukuq munakuyniyoq” nillanmantaqmi. Qhaway Explicasqa simikuna nisqapi “Mana tukukuq munakuy” nisqata.
^ Hebreo rimaypiqa “señalasqa p’unchaykunapi” ninmi.
^ Chaypiqa “layqa ruwaykunata ruwashanku” nillanmantaqmi.
^ Chaypiqa “Siria” nillanmantaqmi.
